ကိုဗစ်တားဆီးမှုတွေကို ဗြိတိန် ရုပ်သိမ်း

ကိုဗစ်ကူးစက်မှုတွေမြင့်တက်ပြီး ကျွမ်းကျင်သူတွေ ပြင်းပြင်းထန်ထန်သတိပေးနေတဲ့ကြားက ကိုဗစ်တားမြစ်ကန့်သတ်ချက်တွေကို ဗြိတိန်ဝန်ကြီးချုပ် Boris Johnson တနင်္လာနေ့မှာ စတင်ရုပ်သိမ်းလိုက်ပါတယ်။ ဝန်ကြီးချုပ် Johnson က-

“အခုချိန်ဖွင့်မပေးရင် အေးတဲ့လတွေ ရောက်လာရင် ဗိုင်းရပ်စ်က ပိုမိုအားကောင်းလာပြီး ကျနော်တို့အနေနဲ့ ပိုမိုခက်ခဲတဲ့ အန္တရာယ်တွေ့လာနိုင်ပါတယ်။ လူပေါင်းများစွာ ကာကွယ်ဆေးထိုးပြီးတဲ့နောက်မှာ ဒါဟာ လုပ်ရတဲ့အချိန်ပါပဲ။ ကန့်သတ်မှုတွေ ပိုလုပ်လဲ ဆေးရုံတက်ရသူတွေ၊ သေဆုံးမှုတွေ ရှိနေမှာပဲဆိုတော့ ကန့်သတ်နေလည်း ဘာမှမထူးပါဘူး။ လုပ်ရမယ့်ဟာကို မလုပ်နိုင်တာပဲရှိပါလိမ့်မယ်။ ဆိုတော့ အခုမဖွင့်ရင် ဘယ်တော့ ဖွင့်နိုင်မလဲ ဆိုတာ ကိုယ့်ဟာကိုယ်မေးကြဖို့ပဲ ရှိပါတယ်” လို့ပြောသွားတာပါ။

ဒါပေမဲ့ စက်တင်ဘာလကုန်ကစပြီး ကာကွယ်ဆေးထိုးပြီးကြောင်း အထောက်အထားပြနေမှ နိုက်ကလပ်တွေ၊ လူစုလူဝေးတွေကို ဝင်ခွင့်ပြုမယ်၊ ပိုးမတွေ့ဘူး၊ negative ဖြစ်တယ်ဆိုရုံနဲ့ မရတော့ဘူးလို့လည်း ဝန်ကြီးချုပ် Johnson ကပြောသွားပါတယ်။

ဗြိတိန်ဝန်ကြီးချုပ်က အခုလို ကန့်သတ်ချက်တွေ ရုပ်သိမ်းလိုက်ပေမယ့် ကိုရိုနာဗိုင်းရပ်စ် Delta မျိုးကွဲသစ်ဟာ ဗြိတိန်အပါအဝင် ဥရောပနဲ့ အာရှဒေသတချို့မှာ ကူးစက်ပျံ့နှံလာနေပြီး တိုကျို အိုလံပစ် ပွဲတော်ကိုတောင် ခြိမ်းခြောက်နေပါတယ်။

ဗီယက်နမ် နေရာတော်တော်များ lock down ချထားရပြီး အင်ဒိုနီးရှားမှာလည်း နေ့စဉ်သေဆုံးမှုနှုန်းမြင့်တက်နေပါတယ်။

VOA BURMISE NEWS

Be the first to comment

Leave a Reply

Your email address will not be published.


*