စစ်ကောင်စီတပ်သီးသန့်သုံး ဓာတ်အားလိုင်းကို ဖယ်ခုံ PDF ဖျက်ဆီး

Breaking News စစ်ကောင်စီတပ်သီးသန့်သုံး ဓာတ်အားလိုင်းကို ဖယ်ခုံ PDF ဖျက်ဆီး

Aug 17.2021
ကယားပြည်နယ်၊ လောပိတရေအားလျှပ်စစ်စက်ရုံမှ နေပြည်တော်သို့ သွယ်တန်းထားသည့် ဖယ်ခုံမြို့နယ်နှင့် ပင်လောင်းမြို့နယ်ကြား လွယ်ဟဲကျေးရွာ အနီးရှိ လောပိတ အမှတ် (၃) စက်ရုံမှ တာဝါတိုင် ၂ခုကို ဖယ်ခုံ ပြည်သူ့ကာကွယ်ရေးတပ် (PDF) က ဖျက်ဆီးလိုက်သည်ဟု ယနေ့ သြဂုတ် ၁၇ ရက်၊ ညပိုင်းတွင် သတင်းထုတ်ပြန်သည်။

တာဝါတိုင်များကို ဩဂုတ်လ ၁၂ ရက်က မိုင်းခွဲ ဖျက်စီး ဖြိုချလိုက်ခြင်း ဖြစ်ပြီး ဖျက်ဆီး လိုက်သည့် တာဝါတိုင်များသည် ပြည်သူလူထုအသုံးပြုခြင်းမရှိဘဲ စစ်ကောင်စီက သီးသန့် အသုံးပြုရန် သွယ်တန်းထားသည့် တာဝါတိုင်များ ဖြစ်သည်ဟု ဆိုသည်။

စစ်ကောင်စီ၏ ယန္တရားလည်ပတ်မှုကို ရပ်တန့်စေရန် ရည်ရွယ်၍ တာဝါတိုင်များကို ဖျက်ဆီးလိုက်ခြင်းဖြစ်သည်ဟု ဖယ်ခုံ PDF ၏ ထုတ်ပြန်ချက်တွင် ရေးသားထားသည်။

ဖယ်ခုံ PDF၊ မိုးဗြဲ PDF၊ လွိုင်ကော် PDF၊ ဒီးမော့ဆို PDF၊ နေပြည်တော် PDF နှင့် ပြည်သူ့ကာကွယ်ရေးတပ် – ရှမ်းတောင် (SS-PDF) တပ်ဖွဲ့၆ ဖွဲ့သည် ညီနောင်မဟာမိတ်အဖွဲ့များအဖြစ် ဖွဲ့စည်းလိုက်ပြီး တိုင်းရင်းသားလက်နက်ကိုင် EAO များနှင့် ချိတ်ဆက်ပူးပေါင်းကာ စစ်အာဏာရှင်ကို အမြစ်ပြတ်တိုက်ထုတ်သွားမည်ဟု သြဂုတ်လ ၁၆ ရက်တွင် သဘောထားထုတ်ပြန်ထားသည်။

Mizzima

Be the first to comment

Leave a Reply

Your email address will not be published.


*