A Cu Ka Thin Cu E Aw : Thih Ngamh In Ralkap Dohtu Nu/Pasaltha Minung (7) Uico Ralkap Nih An Tlaih Hna

Yangon, North Okkalapa ah Uico Ralkap pawl nih khualtlung Cazin check bantuk in an i um ter riangmang i thih ngamh in ralkap dohnak a tuah ve mi, hmaisuang in Sandah a rak piah mi mino (7) an tlaih hna tiah kan theih.

Nizaan ah an tlaih mi hna, Generation-Z mino (7) hna hi, Sandah piah lio zong ah raltha tein, hmaisuang in a cawlcang mi, nizaan tiang zong ah khuapi chung sandah piahnak, cawlcanghnak kip ah raltha tein hmai a dir mi an si hna tiah an chim.

“Ralkap pawl cu Khualtlung Cazin check bantuk in an rak i rat ter, cu ahcun minung(7) an tlaih hna hi asi. Mino tete an si hna, cu chung ah nu zong an i tel tikah faktuk in hrem le tuahto an si tthan lai phan a um ngai ko tiah North Okkalapa minung pakhat nih a chim hi asi.

Ralkap pawl hi biatak tein hmunkip ah khuakip ah an i chawk peng rih. Mino hruaitu, Generation-z mio le CDM a tuah mi chung in bochan deuh mi pawl tlaih ding in an kawl peng rih hna. Cun PDF pawl zong khuachung ah an cawlcang timi thawngpang a um hnu in cun, zaantin te ralkap pawl cu an vak i inn kip ah vah in khualtlung cazin check bantuk in mi tlaih ding an kawl peng ko ti asi.VOM

thawngpang dang : Mandalay Le Magway Kiangkak Dalaan Tu Ru Pawl Minung Kul Le Sarih An Lu Tan An Si

Thunderstorms Without Borders (မိုးကြိုးမုန်တိုင်းအဖွဲ့) ralkap phu hna cathanh an chuah nak ah cun Sagaing, Mandalay le Magway kiangkap ah Dalaan ralhrangbu sin thawngpetu hna minung 27 hna cu an Lu/hngawng tan an si cang tiah cathanh a chuah.kan hnu lei ah Thunderstorms Without Borders (မိုးကြိုးမုန်တိုင်းအဖွဲ့) ralkap pawl hna nih Dalaan an thah ning hna cu video in an rak tar langh bal cang.

Thunderstorms Without Borders (မိုးကြိုးမုန်တိုင်းအဖွဲ့) nih cun a tutan i Dalaan kan thah mi hna hi an dir hmun le cawlcangh ning le sining fiang te in kan kher hlai hna hnu ah Dalaan a si ko ti mi kan theih hnu ah a tu bantuk in kan thah mi hna an si.kan thah mi hna Dalaan cheu khat cu ka thah hna hlan ah ralring nak voi tampi kan pek ta hna.aruang cu chungkhar paw cawmtu le Pu Tar/Nu Tar zohkhenhtu hna an si caah a si.

Chimhhrinnak zei a rel lo in ralhrang sin ah thawngpetu, hramhram in mipi ralhrang kut ah a up tu hna le mipi runvengtu ralkap bu hna cawlcangh ning a chim phuangtu an si tiah an chim.Dalaan kan thah hna lai ah fian rial tein bia hal nak kan neihpi hna i micheu nih an chim mi cu,”A tu kawlram tualchung dothlennak ah hin ralhrangbu pakhat khat si ah i tel ve kan duh caah a si” tiah an chim.

Thunderstorms Without Borders ralkapbu konghe pehtlai in ralhrangbu nih cun Thunderstorms Without Borders ralkap neitu cu NLD, CRPH, NUG le PDF nih a sermi ralkap an si tiah cathanh an chuah.curuangah NUG Union Minister U Ye Mon nih mipi rinvennak caah dirh mi an si caah upadi ning tein sermi ralkapbu an si ko tiah lehnak a tuah.

Be the first to comment

Leave a Reply

Your email address will not be published.


*