A Maktuk Rakrel Ve Hmanh : An Fapa i A Nupi Cu An Fanu A Tlaumi A Rak Si An nTheih Khawh Than

March 31,2021 chun ah China,Suzhou khua ah mopuai sunglawi tukmi an ngei i mopa le monu an chungkhar pawl zong an i tel dih. Cu puai ah cun mopa i a nu nih an monu i a kut ah chinchiahnak (birthmark) a hmuh cun a khuaruah har tuk.Monu cu mopa i a nu nih cun a zoh peng tik ah monu zong cu a ningzak pah .

Mopa i a nu nih cun monu i a nulepa cu a auh hna i an fanu taktak a si maw ? nan i lak chommi fa dah a si tiah klungthiang tein a hal hna.Cutik ah cun monu i a nulepa nih cun a mak an ti tuk ve, zeicva tiah fa ah an rak i lak chom mi a si kha a ho sin hmanh ah an rak chim bal lo caah a si .Monu i a nulepa zong nih cun thup lo tein thil sining vialte cu an chimh dih lawlaw ve.

Aliam cia kum 20 lio ah lamkam ah hngakchia a tlaumi an rak hmuh i fa ah an rak i lakmi a rak si .Mopa i a nu zong nih cun kumm 20 a liamcia mi ah khan an fanu an rak thlau i an rak kawltuk ko nain an rak hmuh tilo nak kong cu a chimh ve hna i chinchiahnak an rak tuahmi cu tha tein an van zoh cio tik ah an mah fanu an rakm thlaumi bak cu a rak si taktak.Monu zong cu a tap thluahmah i lomhnak mitthli he a nulepa taktak he cun an i kup chih hna i mipi zong nih an lomhpi tuk ve hna.

Monu zong nih cun pasal ka ngeih ding nak in ka nulepa taktak he kan i ton khawhmi hi kai lawm deuhtuk ee tiah achim ve. Asinain Pathian samhrisih tiah mopa zong cu an fapa taktak a rak si ve lo i an fanu an rak thlau tik ah an lungleng tuk i mifa kha fapa bantuk in an rak i lak chom vemi a rak si ve ai.Cuticun an fale cu nuam tein an umhter hna i sunglawi chinchin in puai an tuah piak hna .Pathian khuakhan hi theihthiam a har ko .

Be the first to comment

Leave a Reply

Your email address will not be published.


*