A Nupi ngeihnak Sawmnak Ca A Va Pek Cuahmah Hna Lio ah Meithal in An Rak Kah i A Nunnak A Liam

Mandalay ramthen Sint Kue myone letpanhla Uksuh Nyein Chan Aung veng i um mi Ko Kyaw Kyaw Myo nih cun a nu pi thitnak ca i pheihsa a phawh cuahmah lioah ralkap pawl nih cun meithal in an kah tiah theih a si. June 24 ah nu pi thi dingmi pa a si i a kawi pa he hin nupi thihnak ca i pheihsa an phawt cuahmah lioah ralkap nih cun an thah.

A hawi pa tu cu ralkap pawl nih an thah lo nain fak ngaiin an vuak hnuah an tleih ve. Ko Kyaw Kyaw Myo cu ralkap nih an kah i a hmun ah a thi colh. A chungkhat mi nih cun tuthla June 24 ah hin nupi thi ding si. Anu pi thitnak caah a hawipa te hin neihniam tete sawmnak ca an pe hna. Zaan nazi pa 9 hrawngah ralkap Sakhan pawng um mi chungkhat inn an phan i ralkap pawl nih cun lunghrinh in an rak kah hna.

Ko Kyaw Kyaw Myo tu an kah fuh tuk i a hmun ah a thi colh. A hawi pa tu cu an kheng lo nain fak ngai in an vuak hnuah an kal pi ve. Nyein Chan Aung veng i um mi panih a chim ningah cun an zumh hna lo a si zong le kah colh loin an tleih hna i bia an hal hna ding zong a si ko. Tuah zeihmanh fiang ta loin an kah colhmi hna hi cu an sual taktak.

Tu i an thahmi pa hi mifel mitha tuk a si caah veng chungmi pawl nih hin kan ngamhtlak tuk. A nu pi ngeihlai zong hi ai ngeih tuk ve i sawmnak ca tiang hi a mah tein ai phawt. Kei mah sin i a phawt le bangah cun na rak lo ah cun ka thinhung tuk la titiang hin a ka ti i cu tluk cun a nupi thit lai hi ai ngeih. Tu bantuk kan dirhmun ah hin cun mi zeihmanh hi kan him lo tuk hna tiah a chim.

Be the first to comment

Leave a Reply

Your email address will not be published.


*