A Poi Ko : Ralkap Nih A Kut An Tan mi Ko Aung cu Luatnak pek a si ve lo caah Chungkhar ngaichia in an um

Nizaan ah Thongtla tampi Ralkap nih luatnak an pek hna, Magwya ramthen Thonginn ah a taang mi tampi zong luatnak pek an si nain pasaltha Hlyan Phyo Aung cu aa tel ve lo ti asi. Cu caah chungkhar pawl cu Hlyan Phyo Aung a ngandamnak kong zong ah an lungre a thei i nihin ah luatnak an pek ve lo tikah an ngaichia ngai ti asi.

Hlyan Phyo Aung hi Ralkap nih an tlaih, Cun Sitcawzi timi biahalnak room ah faktuk in an hrem i a mit khat lei a kuai, a kut an taan piak mi asi. Sizung ah Emergency in a um nain tlawmpal a dam deuh in Ralkap nih an lak tthan i Thonginn chung ah an hren chap rih mi a si.

June 7, 2021 ah khan Biaceih zung ah an chuah pi cang. Pohmah 505(A) in taza an cuai i July 1 ah Biaceih zung chuak tthan ding in a ti mi asi. Sualnak ngei lo a si nain Ralkap nih faktuk in an hrem nak ah a kut tan a si, a mit an hrawh piak rih hnu ah taza an cuai chap rih cu thinlung a fak ngai.

Nihin ah thongtla tampi an chuak. Cu tikah a chungkhar lei nih kan fapa Hlyan Phyo Aung hi rak i tel ve hram sehlaw tiah lungkil in an cuanh len nain atu tiang ahcun a chuak rih lo ti asi. VOM

Be the first to comment

Leave a Reply

Your email address will not be published.


*