A Poi Tuk E, Kalay Wesley Sizung Sibawi Le Nurse Tamnawn Sinin Covid An Ngeih ruangah Sizung Tiang An Khar Cang

Kalaymyo Wesley Sizung Ah Sibawi Le Nurse Minung 8 Sinin Covid Zawtnak Chawnhruangah Rikhiah Umloin Sizung Ankhar.
====================================

Kalaymyo Wesley Sizung Ah Sibawi Le Nurse Minung 8 Sinin Covid Zawtnak Chawnhruangah Rikhiah Umloin Sizung Ankhar,Kalaymyo Tahan veng Wesley private sizung cu nihin June 2 zaanlei suimilam 5:00 ah rikhiah umlo in kankhar tiah Wesly private sizung Facebook page ah anlanghter .

Cukahmun sizung tuan mi Dr te le nurse minung 8 sinah Covid zawtnak hrik hmuh asi. Sizung nih an langhter mi ah Wesley sizung cu Covid-19 chawnh khawhmi zawtnak runvennak ding caah June2 zaanlei suimilam 5:00 in thawngthanh than a si hlan chung tiang nan khar chung lai tiah , cunglei in nawlpek asi nak kong he lungnuamlo ngai in anlanghter.

Caan karlak chung ah Wesley sizung nih aleng mizaw zohkhenhnak le mizaw thar zohkhenhnak cu (rikhiah um lo in ) kan cohlang rih lai lo tiah mipi hna sinah theihter nak an tuah. Sizung on than khawh nak caan cu , on khawh nak nawl pek asi cang ka tein mipi hna sinah theihternak kan rak tuah than te Lai tiah an langhter. Zalen Rf: The Chin post

thawngpang dang : Breaking News : Ralhrang Kawl Ralkap Nih Chinram Kulh Ah Bomb Thong Khat Leng An Do

Chinram kulh chung hmun kip ah ralhrang nih bomh thong khat 1,000 leng an do tiah theih a si.hi konghe pehtlai in Hakha hrambunh tualchung media pakhat nih kawlca in a tar langh nak ah cun CNA ralkap pawl hna nih chinram kulh chung hmun kip ah an um kal khawh lo nak dingin khamh an timh hna caah bomb an do mi hi si dawh a si.a bik in Chinram kulh Senthang peng le Lawklung khua le Surkhua ramkulh chungah an do mi a si tiah a chim.

Zahan tiang i Senthang peng khua hna ah CDF-Hakha le ralhrang pawl hna kahdohnak thawngpang kan theih ningah .Matupi lei in a ra mi ralhrang phu motor 3 in an si tikah an tam hringhran, Ralhrang lei ralkap hi a tlawmbik 120 hrawng an si tiah mithmun tu nih a chim. Surkhua sakhaan zong CDF – Hakha nih an lak hnu ah zei thawngpang hmanh um lo tein a dai ngai cang tiah khuami nih an ruahmi cu zahan in cun ralhrang tamlak nih Surkhua ah um hmun khuar dawh in an um cang tiah a chim.

Tuchun tiang thawngpang kan theihning ahcun nizan zingka in an i kahnak cu a dai cang Nain, Surkhua khua taw hrawngah cun meithal thawng le Bomb puak thawng cu kan theih peng rih ko, tiah an chim. nizan an i kahdohnak ah ralhrang lei nih hriam ngan pipi le Bomh in an kah peng hna caah CDF – Senthang hriamtlai phu caah thil fawi a si lo, tiin kahnak thawng a theihtu pawl nih an chim. Hihi kahdohnak hi pawngkam khuami security pawl nih Bomb puah thawng le meithal kahnak thawng cu an theih pengmi a si.

Nihin CDF – Senthang le Ralhrang pawl kahdohnak ah ralhrang lei ralkap minung 20 ruak cu motor cungah an chiahmi hna cu mithmuhtu pakhat nih a chim. Ralhrang ruak 20 tiang an putmi hna le motor cungah an chiahmi hna ka hmuh hna, hliamhma a pu mi zong an um pah len, tiah a chim. Ralhrang ruak motor cungah an chiah hna lio le an put lio hna ah ka rel lengmang tikah ralkap ruak 20 tiang ka rel tiin a chim. Cucaah, ralhrang ralkap 20 an thi i, hliamhma a pu mi zong an um len lai, tiah ruah khawh a si.

Be the first to comment

Leave a Reply

Your email address will not be published.


*