A Poi Ve Taktak : Chinram Mindat Peng Cu Lohtlau A Si Cang Ralhrang Nih Pawta An Phurhter Hna

Mindat pawng Yaw peng khuami hna cu ralhrangbu nih Pawta an suai hna.Mindat pawng Yaw peng khuami pa pawl cu May 16 zinglei in ralhrangbu nih Pawta an suai, Inn hna mei in an khangh tiah theih a si.May 15 Mindat i kahnak a fah hnuah Mindat leiin ralhrangbu cheukhat mawtaw he an rak tum i Yaw peng ah a um mi Yeishin, Taungtet, Pyinle, Kankyi le Yitye khua hna cu an luh hnawh hna.

“Zinglei suimilam 8 – 9 hrawngah khuachung ah an rak lut. A tu hi Pa pahnih cu Pawta an suai hna, Pa dang pawl zong suai an timh lio a si, cu ruangah khuachung Pa hna cu a si khawh chungin khua an chuah tak. Cheukhat inn hna cu an luh hnawh i an hrawh, mei in an duah mi zong a um” tiah khuami pakhat nih a chim.

Hi khua hna hi Mindat Nichuah lei meng 8 le meng 12 kar hrawng ah a um mi, Kyaukthu peng khua hna an si. Mindat CDF pawl an i thup khawh nak hmun a si caah ralhrangbu nih a tu bantukin an tuah mi hi a si lai tiah Mindat peng Mipi uktu chungtel pakhat nih “Mindat CDF pawl an um, an lut cang tiin an kawl mi a si kho men. Asinain kan minung pawl mahka lei ah a um zong an um men lai, Mi tampi nih tuah mi kong a si caah fiangtein kan theih lo” tiah a chim.

Be the first to comment

Leave a Reply

Your email address will not be published.


*