A Rak Fawi Tuk Hi Teh : Na Darling Hi Na Cungah Zumh A rak Tlak Tilo i Midang Cung ah A Thinlung A Um cang Timi Theihkhawh Nak

Nungak tlangval karlak ah hlen a hmangmi cu nu an si ah pa an si ah hlen hamng an si ko . Pa pei ka si cu tiah nungak kip a kom mi pa zong mi hlenhmang pa ti a si thiamthiam ko .Nungak tlangval ai duh cuahmah mi pahnih karlak ah pa nih nudang cung ah thinlung a ngeih cang a si ah cun a tanglei kan langhter mi bantuk hin a um tiah mithiam pawl nih cun an chim .

1.Na theihduh mi bia lawngte kha an chimh peng lai : Nupawl kong he pehtlai in a theih hnglh nak a kau cangmi le hmuhtonmi tampi a ngei cangmi pa cu zeitin dah nu hi kan hlen khawh ninglam asi lai timi zong fiang tein atheih cang ti a si . Na tlangval pa nih na theihduh mi bia le nangmah nai lomhnak a simi bia lawng an chimh peng a si ah cun a thli tein rak i ralring .

2.A hmailei kong fiangfai tein na sin ah an chim lai lo : A hmailei kong zeihmanh an chimh lo i a riankong siseh ai timh mi thil pawl an chimh ruah ve lemlo a si ah cun a konglam fiang tein an theih ter duhlo ti nak a si . A sullam cu a nuamhnak men in an komhmi na si caah a si .

3.A phone an zohter siang lai lo : Pa pakhat nih rak ka zum ko phundang ah rel hlah an ti bu in a phone a lock i an zohter duh lo a si ah cun an theihter duh lo mi a um ti a fian caah rak ka zum ko tiah kaa thong khat hmanh in ti seh law va zum ti hlah .

4.Nangamh he pehtlai in a feeling an chim bal maw ? : Nai dawh tuk na fim tuk duh na nung tuk an ti tanw mi kha cu nangmah he pehtlai in a feeling a si lo . A duhmi zawn tete cazin chung i a chiahmi tu an chimh mi men a si . Nangmah an hmuh ning taktak le a caah zei bantuk tluk in dah sullam a ngeimi na si timi an chimh ruah lo a si ah cun na tlangval kong ah na mitkuh thawt awk a si ti lo .

5.Na muidawh nak kong a chim peng lai : Na mui ai dawh nak kong a chim lengmang a si ah cun na muisam lawng kha nuamhnak caah a rak in duh tinak a si . A sullam cu nangmah he ai pehtlai mi thil siseh , na konglam siseh na thiam thil tiang in theih duh nak a rak ngeilo i can a rak pe bal lo tinak a si .

6.A chungkhat he an theihter cang maw ? : Chungkhar he theihter hi zungzal in a hmunmi dawtnak a rak si tinak cu a si theng lem lo nain , pa pakhat nih cun a duh tak mi nu cu a chungkhar le a hawikom he theihter nak a tuah hrimhrim ti a si caah cu bantuk a um rih lo a si ah cun hnangam ngai in kha pa kut kha vai i tlaih ti hlah .

7.Na chungkhar le na hawikom biapi ah a chia hna maw ? : Na chungkhar a hrial mi le na hawikom pawl he zong ngamhtlak ngai in a um duh lem lo a si ah cun nangmah nak in ai dawh tiah a hmuh mi minung sin ah an zuan tak te ding pa a si kha a ran nak in rak thei colh. Credit : Aunty May

Be the first to comment

Leave a Reply

Your email address will not be published.


*