A Tha Bak : Shan ram chaklei ah , nihnih chungah rallokap disel phor tu mawtaw pasarih KIA Nih An Thuat Cang

Shan ram chaklei ah , nihnih chungah rallokap disel phor tu mawtaw pasarih KIA Nih An Kah Cang. Shan ramkulh chaklei Kuatkhai khua cozah lampi ah rallokap hriamtlai phu hña i disel phor tu mawtaw 7 cu nihnih chungah KIA nih kham in an kah tiah theih a si.

” Nizan ah disel phor tu mawtaw paruk cu an kah, tu zingka zongah mawtaw pakhat an kah chap. Mawtaw kah cang mi hi pasarih a si cang ” tiah KIA lei in biachim nak nawl ngei tu tongmangham Nawbu nih a chim.

Kuatkhai khua pawng ah a um mi Namhpachi khua pawng ah tuzing suimilam 7:30 hrawng in 8:00 tiang KIA le rallokap hriamtlai phu hña kar ah kahdohnak a chuak tiah theih a si. Mansi peng lei zongah tutiang Mansi ah a ummi rallokap hriamtlai phu hña nih hriamngan hmang in an kah hña tiah theih a si. Mansi peng Mading khua lei zong KIA le rallokap hriamtlai phu hña kahdohnak a chuak i rallokap lei nih a hriamtlai minung thazang a chap hña. #Kachin waves, The Chin Post

Thawngpang dang : Good News : US Ummi Chinmi Ca Tiang In Thawngpang Tha Taktak A Phan Than Hih

Kahh! Thawngchia lak ah thawngṭha taktak a si. Us ummi kha cu rel loin lanh tak bak lo ding, Chim cio u. Nan chungkhat hna i thanh c io u hi. Ngakchia Bawmhnak (Child Tax Credit) pek dingmi cu July 15 in pek a si cang lai tiah President Biden cozah nih tuchun Nikhat ni, May 17 ah thawng an thanh/phuan cang.

Zeizat dah pek a si lai? A tam bak. Kum khat caah kum 6 tang ngakchia poh $3600 pek a si lai i kum 6 -17 kar ngakchia poh $3000 pek a si lai. Kum 18 poh $500 (voikhat lawng) pek a si lai i kum 19-24 kar college a kaimi zong $500 (voikhat lawng) pek ding a si ve lai. Kum khat phaisa hmuhmi (income) minung pakhat nih $75000 or nuva hmuhmi $125000 naak tlawm a simi fale/ngakchia poh nih hi bawmhnak hi hmuh a si lai.

America rammi chungkhar million 39 hrawng nih an ngah/hmuh lai tiah IRS nih an ti. Zeitin dah an pek/kuat lai?Kum 17 tang ngakchia poh hi tu kum 2021 caah voi 6 kuat a si lai i voikhat kuat ah ngakchia kum 6 tang $300 le kum 6-17 kar $250 cio) in kuat a si lai. Tahchunhnak ah kum 6 tang ngakchia fa pa 3 a ngeimi cu July 15 in December 15 tiang thla chiarte $900 lengmang pek a si lai ti nak si.

Kum 6-17 kar ngakchia a ngeimi zong thla chiarte minung pakhat nih July 15 in December 15 tiang $250 lengmang hmuh ding a si lai. Kum 18-24 kar tu cu voikhat (one time) ca lawng $500 cio pek ding an si lai. Kum 2022 i pek dingmi cu 2021 Tax Return tuah tikah thla 6 ca a tangmi hi pek chih te ding a si lai. Tutan 2021 kum cu fa tam a ngeimi pawl thluachua hmuh kum ah phuan khawh si.

Khah! Hi tluk bawmhnak tam hmuh tikah hin maw cheu 10/1 pek le ram le miphun ca i pek/thawh ding philh sual lai ucih. Philhter phun zong um te hlah seh. Pu Baiden zong thlacam piak philh fawn lo ding si lai cu. Fa tampi a ngeimi hna nan thluahchuah hrawmpi pah le lawmhpi pah in atulio kan ram kong i siivangh buin ka van in ṭialpiak ta hna. Vanceuuk Khenglawt

Be the first to comment

Leave a Reply

Your email address will not be published.


*