A Tha Taktak : Kawl Ralhrang Tamtuk PDF Nih An Thah Hna

Kan hnu zarh dongh hrawng in aa tho mi Kayah ramkulh chung raldohnak cu a zualtuk cang. Kayah PDF pasaltha hna le Karenni hriamtlai pawl i bawm in Police Sakhan zeimawzat an lak hnu, Police Sakhan Mei in an khangh piak hna hnu in raldohnak a zual chinchin hi a si.

The Irrawaddy News nih a tarlangh ning ahcun “Nizaan zing deilei suimilam 4am khan cun Demoso khuapi, Loikaw khuapi chung zong ah faktuk in PDF le Ralhrang karlak raldohnak a chuak i khuami dihlak ngawt in khuapi an zam tak cang ti asi.

Nizaan ah khan cun The Irrawaddy News nih “Ralkap lei a thi mi hi 40 leng an si cang, cu ahcun police zong an i tel ve” tiah a langhter. A si nain raldohnak hi hmunkhat lawng ah a si lo, Kayah hmun dangdang zong ah kahnak a um i cu ahcun ralkap lei tam ngai an thi hna ti asi.

A bik in i kahnak cu Demoso khuapi le a pawngkam, Loikaw khuapi le a pawngkam, Phekung ti bantuk ah a si. PDF lei nih nunnak thap in nizaan tiang ah ralkap raldohnak tank tiang an hrawh. Nihin zing News zeimaw nih an langhter ning ahcun Ralkap lei a thi mi hi 200 an phan dengmang cang ti asi. Loikaw hmanh ah hin Ralkap 54 hrawng an ruak hmuh a si i Phekung ahcun ralkap ruak 104 hrawng a si tiah a chim mi zong an um. Atu tiang ahcun PDF nih teinak an hmuh chuahmah rih ko.

thawngpang dang : Mindat ah CDF Mino 2 Bomb nih a Puah Hna, an Nunnak a Liam
———-
Nihin zaanlei sml. 4:00 hrawng ah Mindat peng, Pukon khuate ah CDF-Mindat mino pahnih bomb nih a puah hna i an nunnak a liam, tiah thawng kan theih. Pukon khua hrawnghrang ah SAC ralhrang nih ruah lo piin a kan doh lai timi an phan ruang ah pawngkam zohfelnak an tuah lio ah bomh nih a puah hnawh hna hi a si.

A nunnak a liammi hna hi Salai Tam Ling le Salai David an si i, an hawi pakhat Salai Tam Ghung zong hliamhma a pu ve. Bomb hi SAC ralhrang nih an hmenh tami a si lai, tiah an zumh. The Chin Journal

thawngpang dang relchap : Nay Pyi Taw Council Chairman Dr. Myo Aung Sihni Ralhrangbu nih an Tlaih

Nay Pyi Taw Council Chairman Dr. Myo Aung Sihni Ralhrangbu nih an Tlaih, Ralhrangbu nih nawlngeihnak an lak hnuah tlaihmi ah a tel ve mi Nay Pyi Taw Council Chairman Dr. Myo Aung caah dirkamhtu Sihni U Thein Hlaing Thun cu nizaan biaceihnak dih in ralhrangbu nih pohmah 505(A) in an tlaih.

Mah kong he pehtlaih in U Thein Hlaing Thun he nizaan ah biaceihnak ah a kal tti mi Daw Aung San Suu Kyi, U Win Myint le Dr. Myo Aung sihni pawl nih fehter nak an ngei.

“Mah kong he pehtlaih in mi kan tlawm deuh cang. An mah buainak he direct in pehtlaihnak a ngei mi cu a si lo. Amah chim ningah Dagon Seikkan ah 505(A) in a ti. Palek nih an chim mi cungah a inn lei chim piak ding phone numbar a ka pek pah in a chim mi a si. Mah lawng ka theih” tiah nizaan biaceihnak ah a kal ve mi Sihni U Khin Maung Zaw nih a chim.

Dr. Myo Aung hi Daw Aung San Suu Kyi le U Win Myint bantukin ‘ram hmai a chiatter tu- pohmah 505(B)’ he biaceih lio mi a si. thechinpost

Be the first to comment

Leave a Reply

Your email address will not be published.


*