A Tha Taktak : Mipi Humhim tu nih Ralkap (20) An Thah Hna Pin ah Nung Buin Minung (4) An Tlaih Rih Hna

Shan ramkulh Moebye khuapi i mipi vengtu PED pawl cu tu ni May 23 i chun nazi 1 hrawngah Moebye khua pawng i palik sakhan cu an va do i tlang cung hriamnaam tlaimi pawl he tangti in an va do hna i ralkap le palik cu a hmun lala ah minung 20 bak an thah hna. Cu pinah mipi lei nih ralkap le palik cu minung pa 4 an tleih hna i hi hna pa 4 hi zeitin dah an tuah te hna lai timi cu mipi sinah theihternak an tuah rih lo.

Moebye i ralkap le palik sakhan zong cu mipi vengtu pawl hna nih an lak i an khangh piak lawlaw hna. Ralkap cheukhat cu an uniform hmanh hruk manh loin an um i mipi cu uniform hruk lo bakin a domi zong an um hna. Moebye cu Shan ramkulh chung i a um mi a si ko nain Kaya ramri bakah a ummi a si.

Kalay ramthen Demawso zongah mipi vengtu PDE le ralkap cu an i doh ning a fak ngai i May 21/22 ah mipi vengtu pawl nih cun ralkap le palik um nak Sakhan cu mipi vengtu hna nih cun an khangh piak dih hna. Cu ah cun Kaya mipi vengtu pawl cu Free Burma Ranger timi ralthuam tlai pawl nih an rak bawmh hna. Tutan i Moebye mipi vengtu pawl tu hi cu ho nih dah a rak bawmh hna timi tu cu theih a si rih lo.

Moebye khuapi mipi vengtu pawl nih cun ralkap le palik an umnak Sakhan an khangh piak hna kong le ralkap le palik cu a hmun ah minung pa 20 bak an thah hnanak kong le a nung buin minung 4 an tleih hnanak kong cu mipi sinah theihternak an rak tuah. An mah mipi vengtu hna leiin hliam hma tuarmi minung 5 an um venak zong theihternak an rak tuah chih. credit :Vapual Auaw

Be the first to comment

Leave a Reply

Your email address will not be published.


*