A Tha Tuk E : CDF Bawm Ding In USA Army Chin Miphun Minung Ceilak An Rak Tlung Cang Lai

Kan Chinram chanchuah ding ah US ralkap a tuanmi Chinmi minung 40 Chinram ah an tlung lai. US ah cansau pi ralkap US Army a tuancang mi kan Chinmi minung 40 hna cu Chinram le Chin miphun chanchuah ding ah CDF bawm ding in Chinram ah an tlung lai tiah CNF in ramleng lei pehtlaihnak tuanvo ngei Denial Sakhong nih a facebook ah a tial.

Denial Sakhong nih a tial chap rihmi cu US ah ralkap a tuanmi Chinmi pahnih cu an tlung cang i nan pawng te ah lockdown ah an um ko tiah a tial chap. Mizoram ah covid boruak ruang ah an tang rih tinak khi a si. US ah a ummi ralkap a tuanmi kan Chin miphun hna zong an rak celh ve hrim lo. An rak um sawh kho ve hrimhrim lo tinak a si. US Army bak nih kan Chinram le kan miphun chanchuahnak rian an tuan cang lai tinak kha a si ko.

US cu vawlei cung ah raltuk a thawng bikmi le a thiam bikmi an si. US Army hna nih CNF pawl tintan an hun pek hna lai. Hriamnam thatha hman zia an van chimh hna lai i kan thawng tuk cang lai tinak a si. Chinram ah a ummi Kawl ralkap pawl cu an cimit cang ko lai hih. US ralkap fimnak le thiamnak bak in Chinram ah Kawl ralkap pawl cu phomh an si cang lai.

Ramchung ramleng um Chin miphun kan lung ai rual tuk cang. A tu tluk in kan lung ai rual a um ti lai lo. Lai lei ah a ummi Chin mino hna zong an mah le si khawh tawk cio in hriam an tlai dih cang hna. Kawl ralkap kah hi a cuh bak in an i cuh i a hiar tuk cang hna ti a si.

Cozah meithal thami pe kho dih hna usih law Chin ram ah a ummi Kawl ralkap hi cu can rau lo ah an ci a mit dih colh ko hnga. CNA nih Vanlong kahnak meithal zong an ngeih cang lai ti a si. Kawl ralkap caah cun tih a nung ko cang. A thir bak in an thir cang ko lai hih. An zanmang zong a chia dih cang lai. Rak share cio uh. thechinstar

thawngpang dang : Pu Kim nih K-Pop Music A Ngaimi Poah Cu Kum (15) Chung Labour Camp Ah Chiah Nan Si Lai Tiah Nawl A Chuah Ve Cang

North korea leader Kim Jong un nih South Korean pop culture cu fak ngai in a khap i cancer zawtnak bantukin tihnung tukmi a sinak kong cu a tarlangh.Kim nih cun South Korean drama le K-pop music a ngai mi paoh cu theih an si ah cum hremnak fak ngai pek an si lai tiah a chim.

Khuaruahhar in South Korean TV show le a music nih cun vawlei cungah thangthat a hlawh ngaingai i South Korean pop culture ngeih a duhmi ramchungah hin mi pakhat nawlngeihnak tangah um mi North Korean ram zong ai tel ve. South lei i thilthil tamtak cu border kalpi in a thil tein North Korea ah phurh a si i VHS cassesttes le CDs hna zong China tangin media Censorship le internet hmangin lak an si.

Hi ti i South Korea thilri rak luhmi cu Kim nih cun sikhawh chungin rak kham a timh ve i South Korean movie k. Pop dramas le K video hna cu rampi ral a si tiah a chim i state media nih cun a takin a soisel tiin New York Times nih cun a chim.Kim nih cun a ram le a miphun dodal in a cawlcangmi paoh cu hlathlai i hremnak fak piin pekding zongin bia a chuah.

A ram mi hna cu an lu meh dan. An nun ning le a holh ning tiangin South culture nih cun a chiat ter dih cang hna tiah a rak tar.

Be the first to comment

Leave a Reply

Your email address will not be published.


*