A Tha Ve Taktak : KIA nih Kawl Ralkap Kutchung in Suikhur Mangtara An Lak Khawh Cang

Kawl ralkap le KIA cu an i kap peng i KIA lei nih hin ralkap sakhan tampi an lak khawh cang. Ralkap lei le China lei hi tangrual an si bantuk in China lei zong nih KIA sin ah kawl ralkap pawl do tilo dingin an va nawl piak cang hna nain KIA lei nih cun zeitik hmanh ah kawl ralkap doh cu kan ngol lailo tiah an rak cohlang kho hna lo.

Cuticun China lei cun KIA cu kawl ralkap nan doh peng hna a si ah cun China lei in thil kan rak luhter mi vialte kan in kham cang hna lai tiah KIA pawl cu an hro hna nain ,KIA nih cun nan duhmi poah tuah ko u kan zei a poi lo kawl ralkap cu kan doh peng ko lai tiah an rak ti ve hna i cuticun KIA le kawl ralkap i dohnak cu a fak chin lengmang.

Kachin News nih a tial ning ah cun KIA nih hin Terrorist Military Council,Namsipon,Sagaing Region cu May 21,4:00 AM thok khan doh hram an thok i teinak an hmuh hnu ah an sakhan an lak i suikhur tiangin an kut chung ah a um cang tiah a tial.KIA nih an lak mi Khamti Jade Magic Namsipon , Terrorist Council camp hi suikhur le lungvar in a khatmi a si i China workers zong tampi an umnak a si caah kawl ralkap nih hin biatak tein an ven zungzal mi a si .

Hi an camp KIA nih an lak hnu zong ah hin kawl ralkap lei nih cun Fighters Jets in bomb an thlak hnawh chih rih hna nain KIA kutchung in hi an sakhan hi an la kho ti lo i tu ah cun KIA kutchung ah a um thai cang tiah theih a si .Ralkap lei nih hin Kachin ram le Shan ram i suikhur le lungvar umnak vialte hi anmah nih an kilven i an duhduh in ramdang ah an zuar theu tawn.

Anmah cu an rum i phaisa tampi an ngei nain ramchung mipi cu sifak ngai in an kan chiah zungzal.Asinain tu ah cun ralkap kutchung in KIA nih hi suikhur an lak khawh cang caah lomh a um hringhran ni a rauh hlan ah kawl ralkap cu lampi ah rawl hal in an vak dengmang cang tinak a si .

Be the first to comment

Leave a Reply

Your email address will not be published.


*