A Thih Lai Tein Thil Ka Duh Mi Ka Tuahpi Tauh Tiah A Nawl Hna I An Tuahpi Hnu Ah A Thi

Malaysia Langkawi khua i um mi tleirawl kum 14 te lawng a si rihmi Norafai cu thluak cancer in a zaw i kum 6 chung a kuat cang i lengah a chuak kho lo. Sii bawi pawl tiang zong nih an lung dong cang i a dam kho ti lai lo tiah a chung le pawl sin tiangah cun an chimh cang hna.

Kum 6 chung cu dam loin a it peng i cu pa te nih a dam lo chung i a saduhthah mi cu khua dang i um mi a pi le pu va tlawn cu a si. Online mipi he ai bawm mi hna nih cun a sining cu an theih i a pi le pu an bawmh khawhnak ding cu an tuak tan piak. A hmasa ah cun lawng he va tlawn a duh nain a dirhmum nih cun a pek lo tuk ruangah helicopter tu in tlawn a duhnak kong cu a chim.

Covid -19 ruangah helicopter zong cu hmuh a har tuk i mi zawn ruat ngai mi mipakhat nih cun a helicopter cu a hman ter hna. Cu tin a pi le pu an umnak khua ah cun an va tlawn pi i nuam ngai in caan a hmang. Hngakchia pa te nih cun ka pi le pu inn ah ka saduhthat bantuk tein ka um khawh colh ruangah tuchun cu kai lawm taktak tiah a chim.

Ka pi le pu tlawng kho dingin a ka bawm tu nan dih lak te cung zongah kai lawm tuk tiah lomhnak bia zong a chim chih. A pi le pu sinah a um khawh colh ruangah chikhat cu a zawtnak tiang philh in caan a hmang kho.cu tin a saduhthah an tuah piak dih hnuah cun a dam lo chin lengmang i cu tin june 1 2021 ah a zawtnak cu tuar kho ti loin a nunnak a liam tiah theih a si.

Be the first to comment

Leave a Reply

Your email address will not be published.


*