A Thimi Hakha Mino 3 Ruak Hmanthlak SAC Ralhrang nih Khuachung ah an Tar, an zia hi fih nung tuk e

A Thimi Hakha Mino 3 Ruak Hmanthlak SAC Ralhrang nih Khuachung ah an Tar, Mipi nih an Hawh Dih Colh
———–
A cu ka lung fah cu aw Ralkap hi cu pamh lo awk hi an ttha hrim lo e, Media tthenkhat nih Uico Ralhrang an ti mi hi ti lo awk hrim hi an ttha lo cuh. an thil tuah hi dawh fih nung tuk cu..June 5 bomb puahnak ah a nunnak a liammi CDF-Hakha mino pathum hna i an ruak hmanthlak pawl cu Khuathar Electric tung pawl ah SAC talhrang nih nizaan ah an tar hna i nihin zinglei ah an hawhpiak dih hna.

“Mipi tlerhnak ah an tarmi a si ko lai. An ruak hmanthlak lawng an tar i ca an ttialmi zong a um lo,” tiah minung pakhat nih a chim. The Chin Journal

thawngpang dang relchap : MRCS le ICRC Nih Paletwa Peng Ralzaam Umhmun 11 Ah Bawmhnak An Pek

Nikum AA le Ralhrangbu kahdohnak ruangah Paletwa peng Inndong 2000 leng cu Paletwa le Sami ah an zaam. Atu hi an inn le lo an chuahtaknak thla 13 a phan cang. An umnak hmun zong tampi cu a rawh cang caah fur a tlaj ahcun harsatnak tampi a tong ding an si caah MRCS le ICRC nih bawmhnak an pek tiah theih a si.

Paletwa le Sami ralzaam hna kong he pehtlaih in Myanmar Red Cross Society (MRCS) tuanvo ngeitu Daw Aye Aye Nyein nih ralzaam dirhmun in an umnak kum 1 renglo a si cang. Umhmun 11 i an umnak inn tampi a rawk cang. Fur a tlak ahcun um awk a tha ti lai lo tiah a chim.

MRCS le ICRC nih ralzaam inndong 2000 caah tangka le remh than a hau mi inn 1800 caah a herhbau mi hna an pek. Sami ralzaam hmun Ti laknak le bomb kam nak hmun ah a um mi pawl cawnpiak nak le ralrin ning zong ngei piak a si.

ICRC hi MRCS hi nikum in hmun dang dang ah a um mi Chin ralzaam pawl zohkhenh le a bawmtu an si. Buainak a tong mi chungkhar hna cu thleidannak um lo tein MRCS he kan zohkhenh rih hna lai tiah ICRC Chin ramkulh rian ngei tu Olivier Dorighel nih a ti. Credit: The Chin Post

Be the first to comment

Leave a Reply

Your email address will not be published.


*