A Tuh Man A Zun Bak Ve Ko : Mipi Lei Minung 17 A Thatnu Dalan Sayamah Nu Cu An Thah Bak Ve

Minung 17 a thattu dalan nu cu mipi nih an thah ve cang. Thawngpang tha taktak a si. Irrawaddy ramthen Cungpyian myone Hleswe khuate ah June 5,2021 ni zing ah zing sml 3:30 hrawng ah khan Kawl ralkap cu khuate ah an lut i chehlatnak an tuah.

Cu lio ahcun mipi le Kawl ralkap kar ah buainak a chuak kum 4 ngakchia le nu pahnih tel in minung 17 Kawl ralkap nih an thah hna. Minung 9 hliam an tuar tiah theih a si. Mahhi thil a cannak cu sianginn cachim tu sayamah pakhat ruang ah a si. Hleswe khua ahhin sianginn ah ngakchia pawl ho hmanh an kai lo caah sayamah le khuami kar ah buainak a chuak.

Cu hnu ah sayamah nihcun khuami pawl nih hriamnam an hman tiah ralkap sinah report a pek hna i ralkap cu a auh hna. Cuticun June 5,2021 zing sml 3:30 hrawng ah Kawl ralkap hna cu khua chung ah an lut i innkip an chek i hriamnam cu an kawl. Khuami an tlaih hna an hrem hna.

Cu tikah khuami hna nih Kawl ralkap pawl hremnak cu an tuar kho ti lo i an ngeih mi hriamnam le an hmuh mi hriamnam poh in Kawl ralkap pawl cu an doh ve cang hna. PDF a si lomi khuami hna nihcun lungtum, thingtan le Chai lawng in Kawl ralkap pawl cu an doh hna. Ralkap nih an tlaihmi hna khuami pawl cu luat kho ding in an zuam.

Cu tikah Kawl ralkap hna nihcun khuami an hmuh mi hna poh cu meithal, Miakpi le sniper in an kah thluahmah hna. Cu lio ahcun a zammi kum 4 ngakchia le nu pahnih zong ralkap nih meithal in an kah hna i an nunnak a liam. Hliamtuar mi hna zong khua chung ah thopbul awk tha loin khua leng ah an zam. Nunnak a liammi hna an ruak zong an la kho rih lo. Kawl ralkap nih thazang tampi an chap caah khuami cu ramlak ah an um rih ko hna.

Cu kong he pehtlai in khuami hna ralkap sinah report a tuah tu nu cu khuami hna nih Namtong in an tuk i a hmun ah a nunnak a liam ve cang tiah theih a si. Laknak : thechinstar

thawngpang dang relchap : Rallokap Ceilak KNDF Nih A Thuat Hna I Minung Ceilak An Thah Hna

June 5, 2021 ah Karenni mipi venghimtu phu nih Kawl Ralkap (20) leng kan thah hna lawng si loin an hriamnam tampi kan chuh hna tiah cathanh an chuah. Kayah ramkulh raldohnak ah KNDF nih Min Aung Hliang hruai mi Ralhrang (20) leng an thah hna hi a si i an mah KNDF lei in minung pakhat nih ram caah a nunnak a pek ve tiah an cathanh mi ahcun an langhter.

Kayah ramkulh, Demoso khuapi chung ah kahnak fak ngai in a chuah hi asi. Nihin zaanlei suimilam 4:00PM- 9:00PM tiang kahnak a um. Ralhrang lei nih Bomb, Miakpi ti bantuk hriamnam pical tamtuk an hman ti asi. Cu bantuk thiamthiam in Karenni, Moebye khuapi chung zongah KNDF le Ralhrang karlak raldohnak fak ngai in a chuak rih. Nihin raldohnak lawng ah KNDF nih ralhrang lei (20) an thah hna. Bomb le Miakpi a tamtuk in an kah caah kaphnih a thi mi le hliamtuar mi felfai ngai in langhter awk a tha rih lo ti a si.

Be the first to comment

Leave a Reply

Your email address will not be published.


*