An Pastor Pa Fir An Puh I Thla Hnih Hnuah Hi Thil Hi A Hung Cang Mi Cu Mah Ti Hin A Si

Thitumhnak a tuah ka te nupa hna nih cun an chungkhar thlacam piaktu dingah Pastor pa cu rawlhrawn an auh. Pastor pa cu nupa hna inn ah cun a ra i rawl an ei dih hnu ah thlacam nak an ngei ti hna i Pastor pa zong cu an inn lei ah a tin than ve. Pastor pa a tin hnu ah rawlhrawn sawmtu hna i a nupi nih cun Kan pa cabuai cung i phaisa thong hra ka chiah mi kha a tlau, kan pastor pa nih khan a lak i a si bak lai a mah pek ding ah ka ti mi a si ko nain tiah an pa cu a chim. An pa nih cun kan mah chim ta lo in a mah nawl in a lak mi cu mifir tinak a si ko a ti ve.

Curuang ah an nupa cu an pastor lak bak ah an ruah i khrihfabu zong kan i thial lai hi bantuk pastor a firmi Bu ah cun kan um ti lai lo tiah biakhiahnak an ngei. Thlahnih a rauh hnu ah a nupi le pastorpa cu lampi ah an i tong i a nupi nih cun ning hngal ngai khin Pastor pa nan ram dam maw? na khrihfabu ah kan i khawmh ti lo nak zong thlahnih a rau cang. Zeiruang ah dah na khrihfabu ah kan i khawmh ti lo ti teh na thei maw? Kan inn i rawlei kan in sawm lio ah khan phaisa thong hra cabuai cung ah ka chiah i kha ni ah khan a tlau, midang hawileng a hohmanh kan ngei fawn lo tiah a ti.

Pastor pa nih cun Aw si ko phaisa thonghra kha ka lak ko. Rawlei nak cabuai cung ah nan chiah tik ah tihang nih a ciar ter lai i aa rawk sual lai ti ka phan caah nan Bible cachung ah ka chiah tiah a chim i fir a puh tu nutung nu cu ningzak ngai in chim awk a thei ti lo i pastor pa cu ngeihthiam a hal.

Cu bak cun a ran nak in an inn lei ah cun a tin zok zok i an Bible cu a kau tik ah thlahnih chung an Bible karlak i phaisa a rak i tenh mi cu a hmuh. Thlahnih chung Bible an nupa in an rak rel bal lo. Thlahnih chung an Pastor pa cu an rak mawchiat i fir an fuh i an mah zong nuam lo ngai in an rak um. Thil pakhat khat ruang ah nangmah ah lungtlin lo nak na ngei sual maw? sautuk Bible rel lo in na um ruang ah teh a si sual ve hnga maw? Bible rel zungzal mu. Cred : Chinland Today News.

Be the first to comment

Leave a Reply

Your email address will not be published.


*