An Tuh Man An Zun Ko : Ralhrang Bawmtu Dalaan (2) Zohchia in An Thah Hna

Sagaing ramthen Tangse Township ah Ralhrang pawl thawngpang a pe tawntu hna Dalaan a simi U Kyaw Shwe Oo le Mon Ramkulh, Ye Township ah Ralhrang pawl nih Khuabawi rian an pek mi U Win Soe Myint cu nihin ah khan Meithal in thi lak in an kah hna tiah kan theih.

U Kyaw Shwe Oo hi an khua mi nih Dalaan a si caah an tih ngai mi asi. Khuami le mipi cawlcanghnak paoh Ralhrang sin ah thawngpang a pe tawn ti asi. Cu caah nizaan June 28, 2021 zinglei suimilam 9:00AM ah khan a inn hmai ah Meithal in ril lak in an kah hi a si.

“U Kyaw Swe Oo hi an khua ah Mei lei tuanvo ngeitu lutlai a si. Cun a nupi hi Nau ngeihter thiam mi a si. Tutan rampi buainak ah biatak tein ralkap lei ah an dir. Ralkap duh lonak a langhter tu paoh an min an lak hna i Ralkap sin ah thawngpang an pek hna. Cu pin ah mipi lei cawlcanghnak paoh a thli tein an ngiat peng. Khua mi caah tihnung tuk an si ruang ah an thah hna hi asi. A ruak cu atu nai te ah Ralkap nih an rak lak” tiah khuami pakhat nih Khit Thit Media sin ah a chim.

Cun Mon Ramkulh, Ye Township caah Ralhrang nih Khuabawi rian an pek mi, U Win Soe Myint hi cu June 27, 2021 zaanlei ah khan an tlaih i an kal pi. Cun nihin zing ah khan Motor lam kam ah a ruak in chungkhar nih an va hmuh, a lu ah meithal kahnak hliamhma pawl a um ti a si. VOM

Be the first to comment

Leave a Reply

Your email address will not be published.


*