Apoi Bak Si Aa : Van Hlei Sung cu USA Ah A Kal Tthan Kho Lai Lo Ti A Si

USA ah tuah ding mi Conference le Concert ah Special Guest in sawm mi Nungak Van Hlei Sung cu tulio zawtnak pulrai ruang ah Airline khar a si i USA ah a kal kho tthan lai lo tiah kan theih. Tulio Lairam dothlennak caah tiah special in timtuah mi Conference le Concert ah hlasakthiam Van Hlei Sung cu hlasa ding in an sawm mi asi.

Hi kong he pehtlai in ttuanvo ngeitu hna nih “ZCA Concert & Conference ah Special Guest kan Sawm mi Mai Van Hlei Sung rat khawh ṭhan dawh a si tilo. Amah zong rat ding ai ready tuk cang ko na in, A voithumnak Covid-19 pulrai a karh ruangah, New Zealand Airlines vialte ramleng chuahlo ding in an phih dih caah, a tu tiang Air ticket kan cawk kho rihlo, cu caah kan Conference ah rak khawh ding dirhmun a si tilo. Mipi lei zong nih a ruahzia na kan thiam ding zong kan in nawl hna. Hmailei ah caan ṭha um ṭhan te ko seh” tiah an langhter ve.

A mah zong aa ready, kal ding hrimhrim in aa tim ve ko. A si nain tulio zawtnak pulrai ruang ah Ticket a cawk khawh lo hi asi. A poi tuk hringhran. VOM

Be the first to comment

Leave a Reply

Your email address will not be published.


*