Apoi Taktak : Sianginn Kai Dingin A Kal Mi Sayamah Pawl Fak Taktak In Accident An Tong

Thawngpang tha hi theih a har ko cang mu. Hi tluk kan ram a buai lio ah ralhrang ralkap pawl nih siangin kai ding in nawl an chuah bantuk in, Myanmar ram hmun tam pi ah siangin cu an on i na kai thluahmah ding an si cang. Hi tluk kan ram a buai lio ah siangin kai ding in nawl an chuah than tikah, khatlei ah cun fim nak ca cawng ding asi tikah hin siangin on hi a tha tuk mi cu asi. Sihmanhsehlaw khat lei kap in kan ram boruak hi kan ruat than tikah ahcun kan fa le siangin kai ding hi cu lung retheih ngai ngai asi fon.

Kan ram boruak hi zoh tikah hnangam awk kan tha hrimhhrim loh, a ruang cu kan ram chung ah hmun kip kaakip ah bomb puah thawng le, i kah doh nak thawngpeng long te kan theih tikah hi bu in kan fa le hi fim thiam nak an cawng lo ahcun a tha lo tiin, siangin kan kai ter hna a herh tikah kan fanu/pa le chungah thil pakhat khat a tlung kho mi dir hmun ah um lio pi asi. Cu caah kan ram boruah kan zoh tikah theih thiam a har ngaingai. Kan fa le siangin an on ko nain, siangin vun kai ter lo in inn ah um ko kan hna zongah kan lung sia a rem hawi lai loh, kai ter ah le lung retheih hi asi ko.

Cu caah kan ram boruak zoh chih in nu le pa nih kan fa le siangin kai kongah tha deuh in kan tuak tan ngai ngai a herh mi thil bapi tak tak asi. Kan ram boruak zoh tikah hnangam in um ding hi cu a si hrimhhrim loh. Ni hin June 1 zongah Kachin ram, Waingmaw khua chungah siangin sayamah pawl cu siangin kai ding in Motor in an kal lio ah, ruahloh tuk in an kal cuahmah lio ah Motorcycle le an Motor cu an phah i, ruangah sayamah cheukhat cu fak ngai in hliamhma a tuar mi zong an um tiah thawng kan theih. Hi bantuk thil a cang tikah dai thlang in um awk kan tha bak loh. hi thil ca a cang sual mi asi ko tiin hnabgam in kan um awk asi hrimhhrim lo.

Hi accident hmun cu Kachin ram, Waingmaw khua chung Maina siangin pawng ah a cang mi asi. June 1, hi Myanmar ram chung ah siangin kai an i thawknak asi. A tu bantuk in sayamh te siangin kai ding in a kal mi motor le khua mi pakhat Motorcycel an i pah nak a ruang tu cu fiang tein kan theih kho rih loh. A cang sual mi maw asi, asiloh ah a tu lio kan ram boruah kong he pehtlai in, siangin ah ca chimh ding in a kal mi sayamah te asi ti theih in an tuah mi zong asi kho tiin mitam pi zong nih an zumh. Cu caah kan ram boruak hi a fiang dih rih lo bantuk in mipi pawl zong ralrin tein um thiam hi a biapi tak tak mi asi.

Be the first to comment

Leave a Reply

Your email address will not be published.


*