Apoi Taktak Si Aw : Mifir nih Salai Yaw Kee A Inn An Baoh, A Computer le Phaisa An Fir Piak

Myanmar Idol Season 4 hlasak zuamnak in Chin miphun mi a cawisang tu, Chin miphun nih kan i zohthla ngai mi Salai Yaw Kee cu mizei ti theih lomi nih a inn an baoh piak, a thilri, computer le Phaisa an fir piak tiah kan thieh.

“Mizei Mifir ko nihdah ka inn hi na baoh i ka phaisa, thilri le Computer na fir, nangmah mifir nak in a sifak deuh mi pei ka si ko cu. Na ka fir piak mi, ka phaisa, ka computer pawl cu nan duh ning paoh khan rak hmang ko kun” tiah a thin hunnak a langhter.

Salai Yaw Kee cu, Mindat ralzam caah a si khawh chung in a cawlcang mi asi, a ngeihchiah chawva in heh tiah Mindat ralzam, ramlak ah lungre thei le vansang in a um mi pawl a bawmh hna, cu lawng si loin a mah pumpak hrim nih bomhnak lam a kawl piak hna. A mah zong Mindat khuapi dihlak zaam a si mi ruang ah ramlak ah a zam ve i ralzam dirhmun in harsatnak tampi a tuar ve mi asi.

Rampi buai lio, Mindat mipi dihlak ti awk in harsatnak faktuk an ton lio ah, hlasakthiam Yaw Kee zong a phaisa le thilri, computer zong an hun fir piak cu a ngeih a chia ngai ngai ve.

Be the first to comment

Leave a Reply

Your email address will not be published.


*