Apoi Taktak Si : Pasaltha Rallokap Nih An Tlaih

Ram mipi zalennak, luatnak le Federal Democracy caah tiah nunnak thap in a cawlcang ve mi Generation-Z pasaltha pakhat cu nihin ah Yangon khuapi chung ah Uico ralkap nih an tlaih tiah theih asi. Hi pasaltha hi mino tleirawl te a si rih. A min cu an langhter duh rih lo. February 1, 2021, Uico ralkap nih rampi uknak hramhram in an lak hnu ah raltha le thih ngamh bak in sandah piahnak ah aa tel peng ve mi asi tiah an chim.

Cun ralkap nih sualnak ngei lo, ram mipi heh tiah an kan thah, an kan nawn caah lungfak tuk in KNU sin ah a kal i, KNU hmunram ah raldoh training tha tein a lim hnu ah Yangon lei ah, cawlcanghnak ngeih ve ding in a rak kir mi a si. A si nain nihin ah khan, vanchiat ah, Yangon khuapi, North Okkalapa ah an tlaih ti asi.

“KNU hmunram a cawlcanghnak, Training a tuahnak le raldohnak lei cawlcanghnak a ngeih nak tete cu a pumpak social media cahmai ah a tarlangh. Cu a hmanthlak tar mi le facebook a tonghtham nak in ralkap nih a umnak an theih i, an kulh i an tlaih colh hi asi” tiah an langhter.

Cu caah, pasaltha hna, ramlak ah a um mi hna zong nih kan cawlcanghnak tete facebook ah tarlangh lo ding hi a biapi taktak. VOM

Be the first to comment

Leave a Reply

Your email address will not be published.


*