Apoi Taktak Si : Tuzing pumh thawk ka hla pahnihnak an sak lio ah meikang hi a chuak

Nihin May 30 ah chunhlan suimilam 10:15 hrongah khan Aizawl, Sakawrtuichun ah a um mi Zuu le Sii addict pawl zohkhenhnak hmun ‘Tawngtai Bethel Camping Center- TBCC’ cu mei nih a kangh caah mi 107 umnak Zeptha khaan cu thliri zeihmanh cuh hmanh lo in a kang dih tiah theih a si.

Tuzing pumh thawk ka hla pahnihnak an sak lio ah meikang hi a chuak mi a si. Meikang an theih le cangka in mei hmih dingah an va tlik tikah cun Zeptha khaan hi a cung a rak kang dih cang i luh ngam ding hrim a si ti lo tiah theih a si.

Zeptha khaan chak deuh ah a um mi David khaan belte cu a sikhawh chungin khamh a si caah a him nain an ar zuat mi hna cu a kang dih. TBCC ah hin zohkhenh lio mi minung 560 an um, a tu lio Mizoram chung Covid boruak zoh ah addict a ngei mi chungkhar cheukhat hna cu an fale himnak caah tiin TBCC a panh pi mi an tam ngai tiah theih a si. #MRS. thechinpost.

thawngpang dang : Tuluk hrokhrawlnak Cu Vawlei Pi Hmai Ah Scientist Pahnih Nih An Phuan Cang

England rammi virus lei thiamsang Professor Angus Dalgleish le Dutch miphun virus thiamsang, Dr. Birger Sørensen nih Covid-19 rungrul cu tha tein kherhhlainak an tuah hnu ah an hmuhmi report cahmai 22 cu nizan ah an chuah i, Wuhan Institute of Virology in a thawkmi Covid-19 zawtnak virus cu amah te kokek in a chuakmi si loin Tuluk sceintist hna nih an serchuahmi a si tiah an fehter.

Tuluk cozah nih palaak in a chuakmi a si tiah vawleipi theih in an thanhmi hi lih lawngte a si an ti. Wuhan Institute of Virology ah an serchuah i, virus an zuhter hnu ah Tuluk cozah scientist hna nih Covid-19 virus cu palaak in a chuakmi rungrul ah an serchuah than tiah an chim.

President Donald Trump chan ah US sipuazi biatak tein an thangcho i Tuluk nih US a zuamcawh mi cu a ruahning tluk in phak khawh ding a si ti lo. President Donald Trump nih Tuluk cozah cu US he trade kongah biatak tein a rengh. Kum 20 renglo Tuluk he trade an tuahmi US an sungh zungzal mi cu president Trump nih a cohlang kho ti lo.

Cucaah Tax tam deuh a laak hna i, Tuluk he rade War a chuak. President Donald Trump nih a rengh khawh hna caah Tuluk cozah nih US lothlo hna thil chuakmi kum 2 chungah US dollar 200 billion man tluk cawk ding a si pin ah ngunkhuai zong tam deuh in pek a hauh caah Tuluk cozah an lungtling lo, mah ruangah Covid-19 hi an zuhter mi a si lai tiah mi tampi nih an zumh. Credit:Salai Lairamthang

Be the first to comment

Leave a Reply

Your email address will not be published.


*