Apoi Tuk E : Aizawl Inn Fak Tuk In A Cim I Mi 3 an Thi, Pakhat an hmu rih lo

Aizawl Inn Cim ah Mi 3 an Thi, Pakhat an hmu rih lo. June 11 tuzan suimilam 9:30 hrongah Aizawl, Thuampui vengah Pu Lalbiakzuala te chungkhar umnak inn cu an inn chak lungremh nih a cim pi. mi 3 an thi, pakhat an hmuh rih lo. Pu Lalbiakzuala te chungkhar hi mi 7 an si. An inn cim lio ah an fapa tlangval pakhat cu inn chungah a umlo caah a chungle dang 6 cu inn nih a cim pi hna.

Pu Lalbiakzuala, kum 75 hi fak tukin a hliam lo, Zairimawii cu a tai tang sau ngai a tap hnuah chanh a si. A hliam hi a fak pah tiah theih a si. Lalthlamuani, kum 16, Joseph Lalrinhlua, kum 5 le Lalngaihsaka, kum 3 hna cu thi cia in char hna. Laltanpuii, kum 16 belte cu an kawl cuahmah lio a si. Inn cimmi tangah a ummi hna cu an chuah hmanh dih tiah theih a si. #MSR

Thawngpang dang relchap : KIO Nih Yuzana Company Hmunhma Lak Lo Dingin Ralrinnak An Chuah
========================================

Kachin ramkulh Hukong valey Bankok khua ah a ummi Yuzana company umhmun cu ralhrangbu a dirkamh caah KIA nih kan hnu April le May thla ah mei im voi 2 an khangh hnuah mah hmunhma ah a hohmanh nih ram ngeih timh lo dingin KIO nih june 10 ah a thanh.

Yuzana company nih mah hmunhma Eka sing 2 reng lo hi mipi sinin an chuh i Lido lamthluan ralhrangbu le pituhsit pawl cawlcanghnak a bawmh hna ruangah KIA nih a thawl hi a si.

Hi kong he pehtlaih in khuami pakhat nih “KIO/KIA nih Yuzana company an thawl hnuah mah hmunhma duh in mirum le nawlngeitu cheukhat nih hmunhma ngeih an i tim. Mipi nih pakhat hmanh kan co rih lo. Cucaah mipi nih KIA sinah tuanvo lak in kan tawlrel piak dingah kan nawl hna” tiah a chim.

KIO cathanh nih a timi mah hmunhma hi KIO nih kan kilven rih lai caah Yuzana company ah rian a rak tuan bal mi hna umnak pek ti bantuk le kanmah theihpinak lo in vulei i thencheunak nan tuah si ahcun fakpi in dantat an si lai tiah a ti. The Chin Post

Be the first to comment

Leave a Reply

Your email address will not be published.


*