Apoi Tuk E : Kalaymyo Ah Ralhrang Nih Chungkhar Minung 4 An Thah Hna

Kalaymyo Ah Ralhrang Nih Chungkhar Minung 4 An Thah Hna
========
Kalaymyo Nyianpin veng (Inyagone) ah a ummi U Win Zaw Oo le a chungkhar cu June 19 ah khan an luhhnawh hna chungkhar minung 4 an thah hna. Veng chungmi pakhat nih cun “Nizan 8:30 hrawng, video ka zoh ko lioah inn hmai in ralhrang tam ngai an kal ka hmuh.

Voi 4 tiang inn hmai in an kal. A rau lo, kan inn hnulei tein meithal thawng ka theih colh. Bomb zong aa tel. Nan zatein rak chuak u ti thawng ka theih i tlawmpal ah mawtaw khar thawng ka theih, cuticun hrocer thawng zong a dai.

A thaizing ah cun an thah dih hna i an sui le tangka vialte an lak piak hna. Inn chung thilri vialte zong mawtaw in voi tam nawn an thiar” tiah a FB ah a tial. An fanu pakhat bel cu a mit ah fak ngai in hliam a tuar i siizung ah an thlop cuahmah lio, tiah theih a si.

Thawngpang dang relchap : Vawleicung Bolung Chuihthiam Minthang “Maradona” Thihnak Kong ah Buiafiang Theih A Si Cang

Vawlei cung i Football minthang Diego Maradona cu 2020 November thla ah khan lungthat lo ruangah a thi i a thih ruangah hin Argentina ramchung pinah vawlei cung Footballer hna nih cun an sian lonak cu an chim len hna. Kum 60 a tlinnak ah hin thla 1 te lawng ai duh.

Maradona cu a thluak ah thisen a luh caah Surgery tuah piak a si i ni rau lo hnuah a thi ti theih a si. Footballer minthang tukmi a thinak ah hin thil hlat deuhmi le mithiam deuhmi pawl nih cun a thihnak ah hin bia tam ngai an chim i a caah a herh ningin le a duh ningin thil an tuah piak lo caah a si ko lai tiah chim ceihmi a tam len tiah theih a si.

A thihnak ah hin a lawyer pinah a chungkhar pawl zong cu an i lungsak kho bak lo i investigation kal pi colh a si i Maradona zohkhenhtu nurse cu biahal a si khawh bakin minung 7 cu tleih colh an si tiah theih a si. Madrid lawyer Rodolfo nih cun amah a zohkhenh tu Doctor pa nih cun a ngeihthat tuk ruangah a that tiin a chim i hi kong hi june 16 ah khan Reporter te hmai ah a chim i Diego cu an thahmi a si tiin a chim.

Maradona nih hin thin’ lung le kal lei that lonak a ngei ti theih a si i kan hnu thla dih cangmi ah khin medical expert panel 20 hrawng nih cun Argentina police prosecutor thithruainak tangah thil cangmi cu an hlat colh i Maradona ai zohnak cu a mumal lo tuk tiin an chim i a medical team te nih cun a damnak ding caan tha cu vanchiatnak ah ai chuah ko tiah thawngpang zong an thlah.

Be the first to comment

Leave a Reply

Your email address will not be published.


*