Apoi Tuk E : Ko Man Za Mey Mon Cu Ralhrang Nih An Luh Hnawh I Meithal In An Kah I An Tlaih

Cawng Oo ah meithal in an kah i an tlaihmi lamzawhnak hruaitu Ko Man Za Mey Mon a mit an huh,a kut hnu ah an leh i an kalpi, Sagaing ramthen Chawng Oo peng lamzawhnak ah hruaitu Ko Man Za Mey Mon cu nihin June 8 zing suimilam 5:00AM ah a dornak khua ah ralhrang nih an luhhnawh i meithal in an kah i an tlaih. The Chin Post

Thawngpang dang relchap : Yinmapin Pengkulh Kahdohnak Ah Khuami Pahnih An Nunnak Aliam, Rallokap Panga Tlaih Ansi.
===================================
Yinmapin Pengkulh Kahdohnak Ah Khuami Pahnih An Nunnak Aliam, Rallokap Panga Tlaih Ansi.Sagiang ramthen, Yinmapin pengkulh chung khua lei cheukhat ah nawlngaih nak la tu ralhrang rallokap nih hriam kankawl tiin khuachung ah an lut, kah doh nak achuak i khuachungmi pahnih an nunnak a liam, rallokap panga cu mipi vengtu phu (PDF) nih an tlaihhna.

Nizan (June 6) zing suimilam 10 hrawng ah Yinmapin khua in menghnih hlatnak Si Hlawng khua cu rallokap nih luhhnawh in khuami PDF phu nih an dir kamh , kap hnih kar kahdohnak a chuak ,PDF phu in Ko Yin Mawng (kum-18) cu a nunnak a liam, rallokap leiin minung 5 cu PDF phu nih an tlaih hna.

“Atli zam mi hna cu an kah hna nak ah mibu an i then,Khualenglei in khua mi nih an tlaih rih hna, a tu lawlawse cu tlaihkhih in an um rihko. An mAh rallokap lei nih pehtlaihnak an tuah rihlo” tiah PDF phu chungtel pakhatnih Myanmar Now ah achim.

Si Hlawng khua cu Inn 800 hrawng ummi khua asi,khuapawng tlang hna ah khuami PDF nih umhmun an khuarnak cu rallokap nih hriamngan in an kah hna caah mipivengtu phu PDF cu hnu ah an tolh tiah achim.

” Anmah lei nih hriamngan in an kan kah,thazaang aa tluklo tuk caah hnu tolh lio ah kan mah PDF lei in minung pakhat anunnak a liam,voihnih tiang an khen, a ban ah an khen, kan hruai lioah a lu ah an khen than” tiah PDF chungtel pakhatnih achimchap.

(June- 5) ah Yinmapin peng Banh Buaiya ah rallokap nih an luhhnawh hna, cycle in a zammi kum-20 hrawng nu pakhat cu meithal kuan khen ruangah a nunnnak a liam.

Aluanciami April thla ah Yinmapin peng, Kapine khua, Tapayaye khua cu rallokap nih an hrem hna nak cu an sermi meithal in an doh ve April thla le May thla chungah rallokap he fakngaiin kahdohnak achuah caah Yinmapin peng le Kani peng hna in khuami minung sang renglo ralzam dirhmun an phan. Crd: The Chin Post

Be the first to comment

Leave a Reply

Your email address will not be published.


*