Ari Ben-Menashe Nih A Chuahtaak Hna

Myanmar Ralhrang Nih Hmaikal Ah An Hlanmi Tangka An Pek Khawh Lo Caah A Dinhtak Hna

Myanmar ralhrang cu American le vulei pi nih cohlan dingin hmaikal thlahmi Israel pa cu tangka an pek khawh lo caah a rian in a ngol Myanmar ralhrang cu American le vulei pi nih cohlan dingin hmaikal thlahmi Israel a Air Ben-Menashe cu ralhrang nih tangka an pek khawh lo caah a ngol tak hna.

Myanmar ralhrang cu American nih cohlan ding le vulei pi ram nih theihpi dingin hmaikal thlahmi cu Myanmar ralhrang ralbawi pakhat le Air Ben-Menashe hna cu Dollar nuai 2 in lungtlinnak an tuah i,atu ah chawlehnak phihkhar an si caah an hlanmi pa cu tangka an pek khawh lo caah a ngol taak hna hi a si tiah theih a si.

Ari Ben-Menashe le Canada i a ummi Company Dockens & Madson Canada cu 2021 March thla ah Myanmar ralbawi pakhat he Dollar nuai 2 in hmaikal thlah dingin min an thut,American le nichuahlei ram hna nih Myanmar ralbawi hna cu theithiam in cohlan dingin hmaikal thlah dingin rian an khinhmi a si.

Rian pekchanh caan ah American nih chawlehnak a phih,an hnon caah anhlan mi hmaikal man Dollar nuai 2 cu an pe kho lo.Myanmar ralbawi hna he kutsih in riantuan ruangah American nih Myanmar ralbawi cungah a chiahmi phihkharnak hi abuar tiah upadi thiamsang hna nih an chim.Atu ah American nih Myanmar ralhrang cungah fak ngai in chawlehnak a phih mi a pehzulh in a tuah.

Israel ngiathlaitu hlun amah lei zong in Myanmar ralbawi hna cu a thami pehtlaihnak a um ko nain,rianngol ding ahhin American nih phihkhar ruang le rian man pek khawh lo ruangah,Myanmar ralbawi hna cu rian ngol tak dingin June thla ah a theihter hna.”Tangka ka hmu kho lo,mah hi cu tangka a herhtuk mi a si” tiah Ben-Menashe nih a chim.

Ari Ben-Menashe cu 1951 ah a chuakmi Iraq thi cawh,Israel -American chawlet thalmi,humhimnak ruahnak pwtu le catial pakhat a si.Anih hi 1977 in 1987 tianf Israel ngiathlaitu hlun le hriamnam lei tawlreltu a tuahmi a si.Caneda ah a um i ramkip thilkuatnak le hmaikal i fialmi rian a tuanmi a si.

1989 ah Iraq ah ralkap vanlawng pathum a zuar,ruangah American ramleng hriamnam kuatnak upadi a buar caah an tlaih i kum khat thong an thlak hnu ah a chuak thanmi a si.
The Chin Post

Thawngdang relchap.
=========

Myanmar Ralhrang Nih Hmaikal Ah An Hlanmi Tangka An Pek Khawh Lo Caah A Dinhtak Hna
Ralhrang SAC Cu Lobby Tuahpiak Dingin An Hlanmi Ben-Menashe Nih A Chuahtak Hna
Phaan KNLA Le Rallokap I Kahnak Ah Rallokap 19 An Thi 11 Hliam An Tuar
Tlangrai In A Zawmi Falam Pastor(8) MP Hlun Zung Hlei Thang Nih A Bawmh Hna
Covid Third Wave Runvennak Caah Ni 9 Chung Zung Khar Dingin Rallokap Nih An Thanh
MOST VIEWED POSTS
Tamu Ah Ralhrang Nih Chin Mino 4 An Thah Hna, An Chungkhar Sinah Ruak An Pe Lo (664)
Oxygen Sehzung Ah Mipi Nih Oxygen Rawn Nak Nawl Cu Ralhrang Nih Phihkhar (488)
Myanmar Ram Aiawh UN Palai Myanmar Ah Kuat Dingin Rallokap Nih American Ca Kuat (438)
Sualnak Ngei Lo Mipi Cu Ralhrang Nih Hramhlak Tiang Dawi In An Thah Hna (385)
SAC Nih An Cawkmi Russia Le China Covid Sii Cu Europe Ram Hna Nih An Cohlan Lomi Le Indonesia Ram Ah mining 131 An Thihnak Sii A Si (362)
COPYRIGHT 2021 | MH NEWSDESK LITE BY MH THEMES

The Chin Post

Be the first to comment

Leave a Reply

Your email address will not be published.


*