Assam ah Kum 9 mi Hngakchianu cu An Sual hnuah An Thah

Assam ah Kum 9 mi Hngakchianu cu An Sual hnuah An Thah India, Assam state Morigaon district chungah a um mi Laharighat ah hngakchia kum 9 nu pakhat cu dum ah thi in char a si. Hngakchianu Sumi Ansari hi tuzingah a tlau ti an theih hnuah palek sin ah thawngthanh a si.

A ruak hi an khuapawng dum ah an va hmuh i a hngawng ah puan bah mi le a um tu ning an zoh tikah an tlaihhrem hnuah thah a si tiah an chim. Mah kong he pehtlaihin Palek nih a herhmi zohfiahnak kan tuah hnu lawng biafiang kan theih lai tiin an chim. The Chin Post

Thawngpang Tha Relchap Canada ram nih Tu Kum chungah Ralzam 45,000 a Lak Lai.Canada nih a hlan an lak tawn nak a lethnih tam in tukum 2021 ah ralzam kan lak lai tiah Canadian Immigration Minister Marco Mendicino nih June 18 ah a chim.

Marco Mendicino nih June 20 Refugee Day hlan cacawn ninga ni ah “Vulei cung ralzam an tam tuk cang, Canada cozah nih ralzam hna zawnruahnak he 2021 ah a lethnih nak tam kan lak lai. Canada ramchungah a um cang mi dornak a halmi si hna seh, ramdang ah a um mi ralzam chungkhar si hna seh kan lak hna lai” a ti.

Canada nih tuan deuh ah ralzam 23,500 ka lak lai a rak ti cang hnuah a tu cu ralzam 45,000 ka la lai a ti cang. Canada cozah nih ralzam hna laknak le ralzam hna hmunhma thialnak caah budget C$ 3 million ($2.4 million) kan hman lai tiah Mendicino nih a chim.2020 kum chung ah Canada nih ralzam a lak mi hi vulei cung ah a um mi ralzam cheu hnih ah cheukhat deng a si caah UNHCR nih Canada cozah cu “muinak hmunah a ceu mi meifang a si” tiin a fak.

Be the first to comment

Leave a Reply

Your email address will not be published.


*