Assam Nih Mizoram Chungah Mawtaw Lam A Cawh

Assam Nih Mizoram Chungah Mawtaw Lam A Cawh August 26 ah Assam lei nih Mizoram, Phainuam, Buarchep nelrawn ah lamcawh thawng an theih hnuah Drone he zohfel a si i, Assam nih lam an cawh pin ah hlei zong an donh ti fian a si.

 

Buarchep chuahlei ah tlang pahnih a um i, pakhat hi Buarchep tlang a si i, Mizo nih hmunphiah cinnak hmun a si.Tlang pakhat hi cu Assam ramchung a si tiah ruah mi a si.

 

August 26 ni ah Phainuam khuami nih Buarchep chuahlei Mah hnuah Mizoram police le Phainuam khua hruaitu hna cu a hmun ah an va kal i, lam a co lio mi seh pahnih cu palek le khuami hna an hmuh le cangka in an zaam hnuah a va zoh mi hna nih palek duty nak hmun an sak i, an congh colh tiah theih a si.

 

Lam hi zei mawzat cawh a si cang i, Assam palek nih Mizo dum chung thlaici hna an hrawh hnuah umhmun an khuar pin ah nelrawn ah a luangmi tiva zong hlei donh an timh nain, Mizoram lei hi hlei donh an duh lo ruangah riantuan khawh lo dingin palek chiah a si.

 

Assam lei nih hlei hi donh an timh peng rih tiah theih a si i, an donh khawh rih lo zongah Buarchep chuahlei tlang in nelrawn lei luhnak mawtaw lam cawh zokzok an timh tiah zumh a si.

 

Ref; vanglaini

The Chin Post

 

 

 

Be the first to comment

Leave a Reply

Your email address will not be published.


*