Atulio Mindat ralzaam hna cheukhat dirhmun zoh tik ah ngeih a chia hringhran ko mu (+Hmanthlak Tampi)

Apoi hringhran ko e aw, Tulio kan chinram boruak le cawlcangh ning zoh tik ah lung a fak ko mu. Kan Lairam khute lei zoh ah khua zongah um ngam lo tiangin ram lak ah furpi le lamcet lak ah an vahveih nak le an airam nak zoh ah ngeih a chia tuk hringhran ko e.

Cun tu tan zongah Chinmi kan Unau hawi Mindat ralzaam hna cheukhat dirhmun, van zoh tthan rih hna usih, Khuaruah an tam tuk hringhran ko, A bik in ngakchia ca ko i van ruah ah zaang an fak hringhran, kan Lairam cu kan theih bantuk in Furpi ah hin cun fikfa a tam Caangvat a tam fawn i an vahveih nak ah le ramtang bak ah a si tik ah Lam nih a naal, Caangvat nih le an tam tik ah, an temtuar hringhran ko mu, Bawipa sinah thlacamnak in bawm zungzal ko hna usih.

Thawngpang dang relchap : Ralkap Dirpitu Pawl nih Ralkap Sin ah Hriamnam An Hal Ve Cang Hna , Hriamnam An pek Hna Lai i Zeipoah Tuahnak nawl An pek Fawn Hna

Kawlram ralkap nih June 12 chun ah kawlram ramchung i thawngpang latu pawl he i ton nak an ngei hna i cu ah ralkap dirpi tu pawl nih cun ralkap pawl sinah cun ralthuam hman dingmi tuah piak dingin an hal hna.A hal tu nu cu media aiawh tu zong a si lo.Ralkap dirpi tu aiawh in bia chimnak tuah vemi a si i ralbawi Zaw Min Htun sinah hi tin bia a chim.

Tu ah NUG hruainak in ralhrang pawl cu tih an nung tuk cang i khawika hmun paohah hin kan him ti lo. Ralkap dirpi tu pawl hi zeitin dah kan um lai. Cu caah ah cun kan i ven nak caah ralthuam na kan siam piak kho lai maw? tiah a ti. Cu tikah ralbawi Zaw Min Htun nih cun mipi zate cu kan in veng kho hna lo timi cu kan pawm mi si.

Sinain ralkap sinah thawngpang felfai tein a chim pengtu hna cu an inn ah kal in an himnak caah thil tiah piak an si lai. Mah le mah i vennak ding caah thil tuahmi paoh cu minung ho paoh nih tuah khawh dih a si. Mah le mah i ven nak caah cun sual a um lo timi zong a um ko. Asinain mah le mah i ven nak caah daan cu tampi a um ve ko i daan zulh zong cu a hau ve.

CRPH le NUG pawl nih nan nunnak caah tih nungmi tiangin an rak in ti hna a siah cun a nunnak ding caah na cawlcanghmi cu sual ah kan in phaw lai lo. Cucu daan hmangin mah le mah i vennak caah a um ciami daan a si. Ralkap dir pitu pawl cu nan him lo tuk timi cu kan rak theih tuk ve.

Cu ruangah nan himnak ding a simi cu tling tein chim dih ulaw nan himnak ding cu si khawh chungin kan in tuak piak hna lai tiah a leh ve. NUG konglam i hal a siah cun Myanmar ah NUG cozah timi hrim a um lo thil le online chung lawngah a um. Ramdang nih zei bantuk cozah dah a pom timi zongah kan buai lo. Asean biaruahnak ah ho dah kal cun ramdang palai pawl ton dingin ho dah kal timi cu nan theih dih ko tiin a mah biahaltu cu ralbawi Zaw Min Htun nih cun a leh.

Be the first to comment

Leave a Reply

Your email address will not be published.


*