Bago dawr ah ralhrang phu hna nih Covid-19 zawtnak checknak an tuah caah, thilzuar tu hna cu an zaam

Bago dawr ah ralhrang phu hna nih Covid-19 zawtnak checknak an tuah caah, thilzuar tu hna cu an zaam Bago khua dawrngannak hmunah ralhrang phu hna nih Covid-19 zawtnak checknak an tuah caah dawr thilzuar mi le thilcaw tu hna cu an zaam tiah khuami cheukhat nih an chim.

 

August 30,zinglei suimilam 8:09 hrawng ah nurse, motor PK,palik le rallokap tiin minung 30 hrawng nih dawrchung ah a hlankanh chimh cia nak um lo in, dawrchung ah lut in zawtnak checknak an tuah tiah Bago dawr pawng ah um mi pakhat nih a chim.

 

“Dawr thil zuar hna an hmuh mi poh le thil caw tu hna cu hramhram auh in an hnar an sawh hna i zawtnak checknak an tuah hna. Mipi pawl nih an tih hna caah an tli,cheukhat cu an dawr thilzuar mi kaltak in an tli” tiah khuami nih an chim.

 

Ralhrang phu hna nih Covid-19 zawtnak checknak cu zing suimilam 10:00 ah an ngol hnu ah, cuka hmun in cun an chuak tiah khuami hna nih an chim.

 

Bago ah Covid-19 chawnhnak i runvennak ding caah ralhrang phu hna nih zinglei suimilam 6:00 in 10:00 tiang lawng dawr on nak nawl an pek hna, suimilam 10:00 hnu in khuachung chawhleh zong rikhiahnak an tuah,Bago hmun cheukhhat ahcun checkhlatnak an tuah tiah Bago khuami hna nih an chim.

 

 

The Chin Post

 

 

Be the first to comment

Leave a Reply

Your email address will not be published.


*