Bawipa i bochan cu

Bawipa i bochan cu;-

 

Hi pa hi cu ahohmanh nih an tei kho bal la loh tiah an ruahmi Filistin mipa Goliath cu Tuukhal David nih Bawipa aa bochannak thawngin fawi tein a thei ti cu el awk tha loin zumtu minung paohpaoh nih cun kan hngalh dihmi a si. ( 1Samuel 17 : 50 ).

 

Zeitlukin dah Bawipa i bochan cu a that tihi ruat cio ko hmanh hna u sih..

 

Cu bantukin thaizingah cun kan nun hi tuanbia ah an cang lai tiah hal puah thiam nih a ti bantukin kan Laimi phun chungin tuanbia pakhat zongah a si cangmi World Paih Championship Rung Lian Ceu cu Biak Hmun Sang nih fawi tukin a teimi kongah aa lungsi lomi hna nih cu ee, kha ee tiin Facebook kip ah bia tampi kan van langhter caah hin kan hngalh awk thil a simi cu;-

 

Zei bantuk thial tuahnak paoh ah hin Bawipa bochan bu tein amah Pathian sinah theinak hmu dingin a halmi paohpaoh cu teitu an si zungzal ko. Zeicatiah cun Bible Cathiang hrimhrim nih cun pei, “Teinak cu Bawipa ta a si,” tiah a ti cu. ( Jonah 2 : 9 ).

 

Cucaah cun Biak Hmun Sang zong nih Bawipa bochan bu tein Pathian sinah theinak a hal ve caah Rung Lian Ceu zong cu fawi tein a teinak a si ko..

 

NOTE : Khrih ah dawtmi u le nau hna kannih zong nih zei bantuk thil kan tuahnak kipah hin Bawipa kha i bochan zungzal ko hna u sih ti zong kan duh. Zeicatiah cun Bawipa i bochan cu theinak hmuhnak a si.

 

Cu bantukin David Siangpahrangpa zong nih a rak timi cu, “Maw Bawipa, nangmah sinah thla ka cam, ka Pathian, nangmah cu kan bochan. Sungh ningzahnak chung khan ka khamh law ka ral cu ka cungah an di riamhter hna hlah. Nangmah an bochanmi cu an sung lo,” tiah a rak ti. ( Salm 25 : 1 – 3 ).

 

Cu bantukin kan Bawipa Jesuh Khrih zong nih a rak timi hna cu, “Ka min in nan halmi paoh cu ka tuah lai, cuticun Fapa chungah Pa cu sunlawiter a si nakhnga caah a si. Ka min in nan halmi paoh cu ka tuah ko lai,” tiah a rak ti hna. ( Johan 14 : 13 – 14 ).

 

Careltu nan dihlak chungah daihnak Pathian cu um zungzal ko seh..

 

Thank You For All;

Johnly Fambawl

Be the first to comment

Leave a Reply

Your email address will not be published.


*