Bawipa Min Thangtthat Si Ko Seh : KIA Army Nih Rallokap Cu An Nawr Thluahmah Cang Hna

Tih ni June 11, 2021 ah KIA Ralkap pawl nih Kachin ram, Ralhrang pawl Gate ngan taktak an lak, ciam dihlak in an kah tiah thawng kan theih. Kachin ramkulh, Waingmaw peng ah a um mi, Ralhrang le Police fonh in Kachim ram, a lutchuak mi minung an check tawn nak Gate biapi taktak mi cu nihin zing ah KIA nih an kah i an lak hi asi.

Tih ni Zing suimilam 7:00AM- 8:00AM karlak ah KIA nih an va luh hnawh hna i an kah hna hi asi. Nihin zing a kahnak ah Ralhrang lei a thimi le hliamtuar dihlak (20) hrawng an si, tampi cu an hriamnam zong lak manh loin an zam” tiah Kachin News nih a tarlangh.

Hi Check Point, Gate lak nak ah hin KIA lei nih hriamnam zong tampi lak dawh in an chim. Cun hi Gate hi Kachin ram lei luhchuahnak ah a biapi ngai mi a si tiah an chim fawn. KIA nih an va luh hnawh hna i an tthiam dih hna hi a si.

tihni hmasa zong ah Kachin ram, hmun cheukhat ah KIA le Ralhrang ikahnak a chuak, cu zong ahcun Ralhrang lei a thi mi an um len tiah an chim. Kachin ram lawng si loin Kawlram hmun dangdang zong ah ralhrang le mipi hriamtlai karlak kahnak aa peh cuahmah, nihin tiang ahcun ralhrang lei a thimi an tam ngai cang. Vom

Be the first to comment

Leave a Reply

Your email address will not be published.


*