Bawipa nih Job a ngeihmi a let hnih in a pek i. Natein a fapa 7 le fanu 3 a let hnih in a pek lonak ruang. (Job 42:10)

Laitlang lei ah Pathian riantuantu tampi Covid ruangah le MAH uknak thalo ruangah mi tampi an thih lengmang mi kongah taantaakmi chungkhar sinah mah ca hi ka vun tial ve duh

Lazaruh a thi lio ah Jesuh a tahnak ruang (Johan 11:35)

Bawipa nih Job a ngeihmi a let hnih in a pek i. Natein a fapa 7 le fanu 3 a let hnih in a pek lonak ruang. (Job 42:10)

Jesuh cu Pathian a si, A thimi a thawhter khawh tu a si. Lazaruh a thi lio ah Jesuh a tap mi hi Mirang (English) Bible ah a tawi bik mi a si. Lai Bible zawngah a tawi bik a si lai ka zum. Natein mah hi mithi chungkhar caah cung Bible cacang saubik le tha bik a si an ti tawn mi a si.

Jesuh Kha a thi ciami zawng a thawhter khawh tu a si. Lazaruh kha a thawhter khawh ti a thei ko. Natein zeiruangah dah a tap/trah ve kan ti ahcun. Aruang a um. Minung kan sinak in, chungkharah kan dawttuk mi nih (a kan dawttuk mi) nih an kan thi tak ah hin a fak tak tak. A celh celh ding a si lo. Cucaah Jesuh zawng nih thinak a fak ning hi a thei caah Lazaruh far le midang a tap mi a hmuh tika thina a fak ning nih minung lungthing ah zeitluk in dah rian a tuan ti kha fiang tein a thei caah a trap/trah ve mi a si. Cun thinak kan tawn tika, kan mah lawng kan trap/trah lo. Jesuh, A thawknak le a donghnak (Apha le Omaga- Zeizong tuah kho tu Pathian) zawng nih a kan trap/trah pi ve. Kan ngaihchiatnak, lungfaknak a kan hrawmpi ve ti kha fiang tein a lang

Cun Job 42:10 ah fiangtein kan hmuh I, Job-42.10 ah “Cucaah Bawipa nih Job cu a vanthatnak kha a pek than I a ngeihmi kha a let hnih in a pek than” tiah kan hmuh
Natein Pathian nih Job a let hnih in a pek than mi kan zoh tika, Tuu, Kalauk, Cawtum le laapi kha an si.

Natein a fapa 7 le fanu 3 kha a let hnih in a pek lo. Aruang a um

Zeidah a ruang si ngha?. Pathian hi Mathematics (maths) a thiam lo si lai. Adang vialte kha a let hnih in a pek hna I, natein Job fapa le, fanu kha a let hnih in a pek lo. Pathian hi mathematic a thiam lo caah si lai, silo ahcun A philh si lai? Natein mah hi cu zumtlak a si lo. Mathematic hmuhchuaktu, le thil zeipoah a thei tu a sining dirhmun zoh ahcung a si kho lo mi si. Zumtlak a si lo

Cuti si ahcun zeidah a ruang si lai. Aruang a um khomi pakhat cu, mah hi a si. Satil a let hnih in apeknak ruang cu, Satil hna cu vawlei caan tawite, chikhat caan lawng khi an si. Voihkhat an thi hnuah an caah zeipoah a dih/dongh.
Natein Pathian nih Job sin ah fapa, le fanu alet hnih in apek lonak ruang cu, a thimi a fapa le fanu hna kha Vanram, Van Jerusalem ah a chia piak hna. Van Jerusalem ah I tawn than ding an si. Natein Satil hna hi vawlei caan chikhat te lawng an si. Zungzal a hmun ding mi thil an si lo.

Mah vawlei ah kan duhtuk mi le kan dawttuk mi, kan nau, kan u, kan pa, kan fa a si mi nih an kan thitak tikah hin. Jesuh zawng nih a kan trap pi ve I, thinak kan tawn mi kan lungfak ning, kan mithli vialte a kan hrawmpi ve ti langternak caah le kan mah lawng kan trap lo, Jesuh zawng nih a kan tuarpi ve ti langternak caah Lazaruh a thi lio ah a trap mi nih a langter

Thil dang vialte a let hnih in Job kha vanthatnak kha a pek I, natein a fapa 7 le fanu 3 a let hnih in apek lo nak ruang cu, A thi mi afapa 7 le fanu 3 le, Pathian nih a pak than mi afapa 7 le fanu 3 kha vancung/Van Jerusalem ah I tongh than ding an si caah vancung Jerusalem ah cun alet hnih an si ve cang lai. Mah nih a langter mi cu, Zumtu pawl thinak hi a dawngnak si lo. Vancung Jeruslame ah I tawn than ding kan si a langternak a si

Taantaakmi chungkhar vialte, kan/Nan lungfaknak, kan/nan tuarnak, kan/nan mithli vialte Jesuh nih a kan/ an hrawmpi ve hna.

Van Jerusalem ah I hmuh than ding in Pathian nih na /kan dawttuk mi, (kan-) Na nu, Nafa, Napa, Na far an chia piak ko hna. Kan mah tu nih an umnak Van Jerusalem ah I ton than ding in Jesuh cu fekterin tlaih peng ko hna u si.

Credit – Lianching Madison

Be the first to comment

Leave a Reply

Your email address will not be published.


*