Bawipa Sawm Bu Tein A Kal Mi KIA Nih Ralhrang Sakhan An Lak Than

Khanti, Nam tsit Bum suikhawr i rallokap le palik um hmun pa 4 cu KIA nih tuzing ah an hrawh dih tiah theih a si. May 22 zingka suimilam 4 ah Machyan Hka khua Palek umhmun pa 2, Nam tsit Bum suikhawr ah um mi Palik umhmun pa 2 le rallokap umhmun pakhat hna cu KIA nih an lak tiah Nam tsit Bum khuami pakhat nih;-

“Machyan Hka palik hmun cu tuzing zingka ah mei he an khangh hna, Nam tsit Bum Suikhawr ah a um mi palik le rallokap umhmun zong mei an khangh dih. A dihlak an lak cang tiah kan theih” tiah a chimh. KIA Brigade 9 tang Battalion 31 nih mah umhmun pawl hi an lak mi a si. An lak dih hnu zinglei suimilam 6 hrongah ralhrangbu nih Vanlawng pa 3 he an rak kah tiah a ti.

Machyan Hka palik umhmun an kah nak ah khuami pakhat hma a pu, Palik pathum nak tlawmlo hma an pu i pahnih an thi. Nam tsit Bum i kah nak zong ah ralhrangbu lei an fah ngai tiah an chimh. Nam tsit Bum le Machyan Hka khua hna meng 1 hrong long a hlat mi khua an si. #KNG. The Chin Post

thawngpang dang : Falam CDNF Nih Kawl Ralkap 5 An Thah Cawlh Hna.Civil War Chuak Tak Tak Sehlaw Zeitin?

Kalaymyo Lei In Hakha lei Ah A Rak Kai Mi Ralkap Mawtaw 2 CNDF Nih An Kah Hna: Kalaymyo in Hakha lei ah a rak kai mi ralhrang mawtaw pahnih cu Falam peng Hlanzawl khua pawng ah CNO/CNDF nih an rak bawh hna caah I kah dohnak fak piin a chuak. Bomb thawng le meithal kah thawng a dai rih lo. CNDF lei in Salai Cung Nawl Piang kum 28 nih ram caah a nunnak pek tiah CBN nih a tarlangh.

Hi kahdohnak ah Chin World nih a thimi an um le um lo theih a si rih lo tiah a tarlangh nain khatlei in biathlam a lengmi cu SAC hriamtlai lei in minung 5 an thi ti si. Mi pakhat nih “Hakhal kal ding uico ralkap hna motor an rak kham hna ih, ralkap lei minung pa 5 an thi ih Falamm ralkap CNDF in Salai Cungte a thi” tiah comment box ah a tial hi a si. Nain thawngfian a si rih lo.

Rampumpi Kahdohnak Zualhma Sehlaw Hi Hnu Hmailei Chin Ramkulh Ah A Chuak Kho Ding Mi (By William HC): Kawlram buai hi sau a rau/awh te lai an ti cio,ramchung ral atho kho tihi 75% nih an zumh caah ramchung ral athawh taktak ahcun Kankaw le Kalaymyo lei kan eidin laknak lampi khi acat,a rawk dih te lai, ramchung ral(civil war) nih mangttam hi a ken tel cia mi si.

Kankaw le Kalaymyo kar kan eidin laknak cu ralkap nih a chah buk te lai,a ruang cu Tlangcung mipi thih kha arte thih tluk hmanhah arel lo tu an si pinah CNF/A le CDF hi ei awk nei hna hlah seh timi ruah chih in lam an chah, block te ding khi a si.

Chin states peng 9 lakah peng 7 tluk hi Mizoram he aa naih le ramri kan si hna, mahti kawl lei kan eidin laknak lampi hna a cah,pih tikah ttamhnem kan eidin kawlnak lam umchun cu kan unau Mizoram lawng a si cang. CNF/A le CDF an tthawn,cah ahcun Mizoram he kan ramri vialte an control khawh dih lai caah fawite in Mizoram ah eidin kan zal kho hnga.

CNF/A le CDF nih Mizoram he kan ramri an control khawh lo,Ralkap nih an control sual ahcun kan ttamhnem eidin zalhnak ding Mizoram ah kan lutchuak kho ti lai lo i eilo dinglo hrim in tampi kan thi te kho. Cucaah Chin ralkap le Chin mipi kilvengtu ralkap hna hi kan tthawnter le cah ter lo ahcun a tuar ingtu ding cu Chin mipi tthiam kan si ko lai. Credit: William HC

Note: Mah hi asi hrimhrim lai tiah ka timi siloin a chuak kho tiah keimah pumpak cuanh ning a si.CNA/ CDF kan tthawnter hrimhrim aherh timi chungin pakhat te ka hun thimmi asi.

Be the first to comment

Leave a Reply

Your email address will not be published.


*