Bomb A Puah Tu An Si Lai Tiah Zumh Reih Mi PDF Mino 2 An Hrem Ning Hna Cu Tih A Nung Kho Tak Tak

June 10 ah Sagaing ramṭhen, AyaDaw peng, Sapartwin khua i bomb puahtu tiih puh mi mino ṭhenkhat cu Seik Phu Gyi khua pawl nih an rak tleih hna tiah theih a si i, cuti khuami pawl nih an tleih mi hna mino pahnih an hrem ning hna cu online chung ah a lar taktak.

Khuami pakhat nih cun “Sapartwin khua i palik pawl he an i kap hna i kan khua lei ah an rak zam. Khuami ṭhenkhat nih cun an tleih hna i fak taktak in an vuak hna. Palik an rak phanh cun palik kut ah an ap hna” tiah ADM sin ah cun a chim.

Mino an hrem mi hna kong he pehtlai in, thawngpang fiang deuh in langhter mi hmuh ding a um loh i, Sagaing ramṭhen PDF lei zong nih a tu i ca kan tial tiang ah hin thawngthanh nak zeihmanh an nei rih loh. Internet cahmai pawl i tial mi bantuk a si ah cun, an hrem mi hna mino pahnih hi PDF an si tiah hmuh ding a um. Asinain, PDF lei in nawl chuah nak zeihmanh a um rih lo tik ah nemhnget khawh a si rih loh.

Video chung ahcun mino pahnih cu an kut hnulei an tem chih hna i a tak cu thisen lawng te nih a tuam. fak taktak in an hrem hnu hna ah meithal keng palik ṭhenkhat le mipi then khat nih an hruai hna i an kalpi hna. Kawlram a buai hnu ah rampumpi huap mipi umnak hmun tampi ah bomb puah nak a chuak tam tuk i hmun tam deuh ahcun a puahtu minung thei lem lo in an um.

Mipi umnak khuachung bomb puah nak kong he pehtlai in mipi humhim tu ralkapbu lak zong ah siseh mipi lak zong ah ruah ning phun 2 in a chuak. Aṭhen nih cun SAC ralhraang ṭanh tu le Dalan pawl ṭhih nak a si i mipi khawngban ding i tuah hramhram mi a si loh a titu an um i ai khawng sual mi an um khawh hlei ah hngakchia hrang le Lungphu a ṭhalo mi hrangah ṭih a nung titu an rak um ve.

I chin chiah Video hmuh nuamlo mi ai tel tik ah a cung lei i langh ter mi hi na zoh ngam lo men. Zoh nai harh ko bu i na zoh duh a si ah cun hi ka hin hmet law na zoh khawh ko lai. Mino pa 2 an hrem ning hna.

Be the first to comment

Leave a Reply

Your email address will not be published.


*