Bomb Tunh Mi Pal Sual Ruangah Chinmi 2 A Thi Mi Kong Le A Dang Thawng Tlamtling Tein Rak Ngai (+Video)

May ni 27 chung thawngpang hi ngeih khawh cio van i zuam hna usih. Laiholh tein thawng thanh mi a si caah holh thiam mi le thiam lo mi he kan theih khawh dih lai i, laiholh tein a si caah lung a hmui khun. Bomb an tunh mi an i pahsual ruangah Chinmi minung 2 an thi, cun a dang thawngpang zong a um rih i cu zong cu ngeih chih khawh van i zuam hna usih.

thawngpang dang relchap : Tih Nung Ve Taktak Si : Tisartlam Nih A Dolhmi Pa Kong Hi A Mak Taktak

Tutan cu tisartlam tih nung taktak mi pawl an konglam kan van tial than lai. Ahmasa in hmanthlak cheukhat pawl hi tih nungmi le zoh nuam lo ngaimi an um len caah hlonh deuh an si i ralchia deuhmi ca zongah tih nungtuk mi cu um lem ti lai lo.Kum 2012 lioah khan Malaysia ah chungkhar hna hi an um i an chungkhar ningin tiva ah an kal hna. Cu ti i tiva an kal lioah cun an fa pa pakhat cu tisartlam nih a van zuanhnawh colh i tiva chunglei ah a hnuh colh i ai kal pi diam ko.

A chung le zongnih zei ti chanh awk thei lo cun a zoh dawp ve ko i cu hnuah cun chanh dingin police lei an chawnh hna i an van phak tikah cun zeihmanh um zia um ti loin an fa pa te cu a dai diam ko.Tisarlam cu an fa pa te cu tithuk chungah cun a kal pi diam i zeitin tuah awk zong thei kho loin an um. Tichung i pil khawh ko zongah saram lian tuk mi a si fawn caah tichungah va pil ringawt cu zeihmanh thathnemnak um fawn lo. An fa pa cu zeoti hmanhin a nun nak ding cu um ti lo i a ruak i kan hmu kho lai maw hmu kho lai lo timi lawngte cu an tuaktan cang.

A ruak cu zeitin dah kan hmuh khawh lai tiin police pawl nih cun an buaipi len i a donghnak ah cun Tisarlam cu arsa hmangin an lem i an fapa Roki a thih hnu nili hnu lawngah an lem khawh. Cutin Tisartlam an lemmi cu a rak chuah bak cun hriamnaam phunphun in an kah i an tleih khawh. Cutin tisartlam cu an fapa a dolh tu cu a si hnga maw ti theih duhah a pawchung cu an hlai i an fa pa cu a thilhrukmi he pumtling tein tisartlam chungah cun an chuah.

Kum 2018 lio zongah indonesia pa pakhat zong a cycle le a keedenh lawng tiva kamah cun an hmuh ve i a mah ten tichung i tlak kha le si kho fawn lo cycle he thilhe kal fawn tikah a ruahawk thei longain an um. Sinan cu tlawmpal ah cun a pawngah cun tisartlam a lian ngaimi pakhat kha an hmuh ve i cu hnu cun tisartlam nih cun a dolh ve ko lai tiah an zumh. Cu hnuah cun tisarlam cu an tleih ve i a chung cu an hlai ve than i mi nung taksa cu ai then viarmi cu an hmuh hna i an chuah hna.

A nupi nih cun an pa cu kan kawl tuk i a cycle le a keedenh lawng kan hmuh ah cun thil pakhat khat hi cu a tong ko lai timi cu ka ruah ko nain hi bantukin tisartlam nih a seh i a thihmi hi ruah lo tukmi thil a si caah zumh cu a har tuk ko e tiah indonesia pa i a nupi nih cun a chim. Cutin hi tiva kamah hin tisartlam nih minung a seh hna hi theih awk a rak um ngaingai. Kum 2016 zongah khan mi pakhat tisartlam nih cun a rak seh ve i a rak thi ve hoi cang.

Kum 2019 zongah minung pakhat cu lakar tiva timi ah minung pakhat cu a thi ve i an ruak cu an kawl len hnu ah amah simi ruak cu tiva kamah cun an hmuh i cu bantukin thil a tuah tu cu a hodah si timi cu an thinlung cun an theih khawh i cu ti i thil a tuah tu cu tisartlam a si lai timi cu an zumh tuk ve caah tisartlam cu thah dingin kawl hram cu an thok ve colh. Cu hnuah cun an lem ve i an lem khawh. An thah i a pum cu an hlai ve minung taksa pawl cu an chuah ve than i tisartlam nih a seh ve timi cu fiangten an theih khawh.

An khuabawi a simi pakhat nih cun hi ka tiva kamah hin cun tisartlam hi an khat ko ti usih law kan palh lai lo. Sinan minung hi cu ti menmen cun an seh ve lem tawn lo. Tiva ah hin kal tuk lo dingin daan kan chuah i a herh tukah cun phundang si ko herh tuk lo ah cun kal lo ding cun kal zongah hi tisartlam hna hi cu minung nih hin ti hram bak hna lo dingin thawng kan thanh lengmang tawn nain a caan ah cun khuami nih hin chimh hi kan ngai ve tawn lo le tiah a chim. An khuabawi nih a chim ningah cun tisartlam lam lei i a tangmi hna khi a lo pah ve i a that tu hna minung zong kha a palh deuhmi hna an lo.

Hi bantukin indonesia mi hna nih hin hi bantuk in thil hi an ton ngai hna i kum 2017 liozongah khan mino pawl cu nuamh dingin an kal ve i an lak i pa pakhat cu tisartlam nih cun a rak zuanhnawh i ti thuhnak leiah cun ai kal pi diam ko. Cu hnuah cun a hawi le nih cun inn lei i police pawl cu an chawnh hna i a ruak cu kawl hram an thok.A ruak zong cu si khawh chungin an kawl ko nain hmuh ding pakhat hmanh an um lo i a ruak tak hmanh zong cu an hmu kho ti lo.

Cu tikah cun a chung le pawl cu an ngeihchia tuk i tisartlam kong a thei tukmi le tisartlam pawl cu a chawnh hmanh a chawn khomi pa cu an chawnh i cu pa nih cun a seh tu pa ruak cu si khawh chungin hmu kho dingin ai zuam ve i cu lio takah cun khuaruahhar in tisartlam nih tlangval pate ai kalpinak tiva kam ah cun taklawngin a ruak ticung ah cun a vun laang. Mi cheukhat nih cun tisartlam dawih thiammi pa nih a chawnh caah a ruak i kan hmuh khawh ti zongah an zumh ve.

Asinan a mak tuk ve mi pakhat cu a ruak cu tisartlam pathum nih cun an van chiah i tisartlam a hmu mi hna nih cun tisartlam pawl cu meter 5 tluk hrawng saumi an si hna. Hi tisartlam pathum nih hin cun tlangval pa ruak hi a vengmi bantuk in minung nih a ruak an lak khawhnak ding tiangin a ruak cu an rak chanh hna.Hi tisartlam pawl hi khuaruahhar a si vemi cu tiva kam i an i kholh ah hin tak lawngin an i kholhah cun a seh hrimhrim hna i thil bu he an i kholh ah cun zeitihmanhin a ti hlei hna lo tiah a chimmi zong an um fawn.

A chung le nih cun an fap pa cu thilhruk bu tein cun rak i kholh sehlaw hi bantukin thil hi cu a chuak hnga lo mu tiah a phunphun in an khuaruahnak cu a chuak. Hi tiva ah hin hi bantukin mi tamtak hi an rak thi cang i hi tiva hi mitam tak nih cun a hrial zong an hrial len cang.

Be the first to comment

Leave a Reply

Your email address will not be published.


*