Breaking News : A Poi Kho Taktak PDF Pasal Tha Panga Ralhrang Nih An Tlaih Hna Pin Ah Pahnih An Thah Hna

Tuchun june 19-20 ah Khin Oo khua mipi runvengtu People Defence Force (PDF) le ralhrang bu hna cu biatak tein an i kap t’han.an i kah nak hmun hi Ayeyarwady Ramt’hen Chu Thar khua le Myin Daung khua karlak ah a si.

Ralhrang pawl nih Myin Daung khua le Chu Thar khua karlak lampi in an rak bawh hna.hi khua hnih karlak i pal kai nak lampi in Khin Oo PDF, People Defence Force pawl hna cu zei thei lo in an rat caah um hmun rawlh bak in ralhrang bu nih an kah hna tiah theih a si.

Ralhrangbu nih an rak Ambush hna ruangah Khin Oo PDF, People Defence Force hna chungin minung pahnih cu kah thah an si pin ah a dang minung 5 hna cu ralhrang pawl nih an nun bu bak in an tlaih hna tiah theih a si fawn.

Khin Oo PDF, People Defence Force minung pahnih an kah thah mi hna konghe pehtlai in Myin Daung khua mi hna nih an chim nak ah cun Chu Thar khua le Myin Daung khua karlak hleidonh cungah an kal lio ah ralhrangbu nih an kah hna i an thah mi hna PDF minung pahnih ruak cu kan hal hna na in an kan pe duh rih lo tiah an chim.

Be the first to comment

Leave a Reply

Your email address will not be published.


*