Breaking News : CDF Mindat Pasal Tha Hna Nih Kan Miphun Ralkap CNA Kan Bawm Cang U Law

Mindat Khua chugah Mindat mipi an um ti lo.Chin State Mindat khua chungah khuami an um ti lo. SAC Ralkap tha lo hna lawng khuachung ah an um cang. An duh ning paoh in khua an sa. Khua chungah athli in alut mi hmanh an tleih hna i an velh-vuak hna. Minung pa 7 an thah cang hna i hngakchia nu zong an tleihhrem hna tiah Mindat pakhat sin in kan theih.

Bawmchan tu kan ngei lo. Kanmah Khuami CDF lawngnih nihin tiang kan doh hna. kan baa tuk cang. Kan hawikom tha cheukhat hna cu SAC meithal in an nun nak aliam cang.Khoika dah CNA nan um kun? kan Chinram le miphun a kilveng tu kan si nan ti kun.

Khuazeika dah nan um kun? Kan fa le hngakchia nu pawl an tleih hrem hna. Kan i bochan mi hna mifim hna zong thonginn ah an chiah hna. Bawmtu kan hlam. Kan khua le kan ram kaltak kan siang lo kan thih hlan lo hnu lei kan pil lai lo.

Kan nunnak a dongh tiang kan doh lai tiah Mindat pakhat sinin kan theih. Kachin Ralkap Mindat ah vabawmh dingin an kal timi thawngpang cu adik lomi asi. Kachin cu chim lo CNA hmanh i thawh lo nalak ah. Credit:Chin Cable Network Channel

thawngpang dang relchap : Good News : Kanpetlet ah SAC Ralhrang 6 an Thi, SAC Ralhrang nih Kanpetlet ah Thazaang an Chap Thluahmah

Kanpetlet ah SAC Ralhrang 6 an Thi, SAC Ralhrang nih Kanpetlet ah Thazaang an Chap Thluahmah
————-
May 28 in aa thawkmi SAC ralhrang le CDF-Kanpetlet karlak kahdohnak ah SAC ralhrang 6 an thi, tiah CDF-Kanpetlet chungtel pakhat nih RFA ah a chim. Kanpetlet peng, Makya khuate ah SAC ralhrang pawl lut kho lo ding in CDF nih May 28 thawk in an kham hna i nihin zinglei tiang kahdohnk pehzul in a um.

SAC ralhrang nih a lang in miakpi in CDF pawl an kah hna pin ah Kyaukhtu le Gangaw lei zong in ralkap thazaang an rak chap hna. Ralhriam le thazaang lei in SAC rahrang an tthawn deuh tuk caah khua dangdang zong nih Kanpetlet na kan bawmh a herh ko, tiah a cunglei CDF-Kanpetlet chungtel nih a chim.

Kanpetlet cu Mindat he meng 20 hrawng a hlatnak ah a ummi a si i, May 16 thawk in SAC ralhrang nih helicopter in ralhrang thazaang tampi an rak chap caah Kanpetlet khuami tam u nih an khua an zaamtak hna. The Chin Journal

Be the first to comment

Leave a Reply

Your email address will not be published.


*