Breaking News : Demawhsu kah doh nak ah,an mah he hmun khat ah ka bawm tiah Free Burma Rangers nih a langh ter…

Demawhsu kah doh nak ah,an mah he hmun khat ah ka bawm tiah Free Burma Rangers nih a langh ter… Kaya ramkulh , Demawhsu peng nihin kah doh nak Dawtawi-gate(ေဒါတဝီဂိတ္) an lak ah mipi veng tu ralkap (PDF) he hmunkhat ah fon in kah doh nak ah kan i tel ve tiah Free Burma Ranger(Karenna ) phu nih an langh ter .

Demawhsu ah PDF le nawl ngaih nak la tu ralhrang rallokap, kap hnih kar ni zan ah thok in kah doh nak a chuak i, ni hin kah doh nak zong ah rallokap nih um hmun an khuar nak Dawtawi-gate cu mipi veng tu ralkap PDF le Free Burma Ranger ( Karenna ) phu hña i fon in kah doh nak ah rallokap pawl umhmun gate pakhat cu mei khangh in an hrawh.

Tlang cung hriamtlai thawng zamh nak cheu khat nih cun Free Burma Ranger phu hña nih ramchung kah doh nak (asi lo ah) ram chung ral thawh nak doh nak ding kong he peh tlai in zulh phung a um lo tiah an langh ter.

A si na in Kaya ramkulh chung hriam tlai phu cheu khat hña cu Free Burma Ranger phu nih training pek mi an si caah, training kai mi hña nih PDF he fon in kah doh nak ah an i tel mi a si kho tiah an langh ter . #The Irrwaddy

Thawngpang dang : Falam CDNF Nih Kawl Ralkap 5 An Thah Cawlh Hna.Civil War Chuak Tak Tak Sehlaw Zeitin?

Kalaymyo Lei In Hakha lei Ah A Rak Kai Mi Ralkap Mawtaw 2 CNDF Nih An Kah Hna: Kalaymyo in Hakha lei ah a rak kai mi ralhrang mawtaw pahnih cu Falam peng Hlanzawl khua pawng ah CNO/CNDF nih an rak bawh hna caah I kah dohnak fak piin a chuak. Bomb thawng le meithal kah thawng a dai rih lo. CNDF lei in Salai Cung Nawl Piang kum 28 nih ram caah a nunnak pek tiah CBN nih a tarlangh.

Hi kahdohnak ah Chin World nih a thimi an um le um lo theih a si rih lo tiah a tarlangh nain khatlei in biathlam a lengmi cu SAC hriamtlai lei in minung 5 an thi ti si. Mi pakhat nih “Hakhal kal ding uico ralkap hna motor an rak kham hna ih, ralkap lei minung pa 5 an thi ih Falamm ralkap CNDF in Salai Cungte a thi” tiah comment box ah a tial hi a si. Nain thawngfian a si rih lo.

Rampumpi Kahdohnak Zualhma Sehlaw Hi Hnu Hmailei Chin Ramkulh Ah A Chuak Kho Ding Mi (By William HC): Kawlram buai hi sau a rau/awh te lai an ti cio,ramchung ral atho kho tihi 75% nih an zumh caah ramchung ral athawh taktak ahcun Kankaw le Kalaymyo lei kan eidin laknak lampi khi acat,a rawk dih te lai, ramchung ral(civil war) nih mangttam hi a ken tel cia mi si.

Kankaw le Kalaymyo kar kan eidin laknak cu ralkap nih a chah buk te lai,a ruang cu Tlangcung mipi thih kha arte thih tluk hmanhah arel lo tu an si pinah CNF/A le CDF hi ei awk nei hna hlah seh timi ruah chih in lam an chah, block te ding khi a si.

Chin states peng 9 lakah peng 7 tluk hi Mizoram he aa naih le ramri kan si hna, mahti kawl lei kan eidin laknak lampi hna a cah,pih tikah ttamhnem kan eidin kawlnak lam umchun cu kan unau Mizoram lawng a si cang. CNF/A le CDF an tthawn,cah ahcun Mizoram he kan ramri vialte an control khawh dih lai caah fawite in Mizoram ah eidin kan zal kho hnga.

CNF/A le CDF nih Mizoram he kan ramri an control khawh lo,Ralkap nih an control sual ahcun kan ttamhnem eidin zalhnak ding Mizoram ah kan lutchuak kho ti lai lo i eilo dinglo hrim in tampi kan thi te kho. Cucaah Chin ralkap le Chin mipi kilvengtu ralkap hna hi kan tthawnter le cah ter lo ahcun a tuar ingtu ding cu Chin mipi tthiam kan si ko lai. Credit: William HC

Note: Mah hi asi hrimhrim lai tiah ka timi siloin a chuak kho tiah keimah pumpak cuanh ning a si.CNA/ CDF kan tthawnter hrimhrim aherh timi chungin pakhat te ka hun thimmi asi.

Be the first to comment

Leave a Reply

Your email address will not be published.


*