Breaking News : Falam In Ralhrang Motor Pa Sarih Nih CDF A Fuh Cuahmah Hna

Tuchun zanlei sangin Kalay in tapung ralhrang ralkap pawl a hung kai mi hna cu Halkha le Falam ramri ah CDF he an i kap cuahmah.Halkha ralkao nih chanh tim in an rak fuh hna i tuhi an i kahnak hmun cu Halkha lei ralkap an phan deng ti a si.cun pin ah Falam khuapi ah a um mi ralhrang Min Aung Hlaing ralkap pawl zong motor 7 in an hung kai lio tiah William HC fb cahmai nih cun a tarlangh.

thawngdang : R.I.P : Arm ah bomb a lamh sual mi kum upa pakhat cu siizung an phanh pi hlan ah a thi

Arm ah bomb a lamh sual mi kum upa pakhat cu siizung an phanh pi hlan ah a thi. Nizan May 15 zinglei ah kum 66 mi kum upa pakhat cu bomb a lamh sual i a ke pahnih cu bul lakin a hliam caah Arm i ralkap siizung ah tlik pi a si nain siizung an phanh bak ah a thi tiah a chungle nih an chim.

“A thi mi hi U Kyaw Tun Oo kum 66 a si. Arm khua peng,Daalet khua a si i a dum ah a kal lio ah bomb a lamh sual mi a si. A ke pahnih a bul, siizungah tlik pi a sinain lamhla kal a si tikah, a thi chuak a tam tuk caah siizung kan phanh pi bakin a thi. Vulei ah hmanh mi Bomb a lamh sual mi a si.” tiah Ko Kyaw Linn Naing nih a chim.

Arakhan ramkulh chungah nikum AA le ralhrangbu i kah nak chungah Bomb le thil dang puak mi ruangah Mipi 45 an thi i, 92 hliam hma an pu tiah Arakhan Ethnic Community- REC record kum 2019 in 2021 May thla tiang cazin ningin theih a si. The Chin Post

Be the first to comment

Leave a Reply

Your email address will not be published.


*