Breaking News : Kalaymyo Taungphila Ah Mi Ruak Char Asi

Kalaymyo Taungphila veng i a ummi Salai Vum Za Lian(kum 24) cu rithai si ruangah tuzing khuadei ka ah A-Lah-Kah(2) sianginn pawngah a ruak in char asi. “Tu lio zawtnak Covid ruangah nunnak liam asi lo,ralhrang kut tuar zong asi lo,a takpum ah hliamhma hmuh asi lo,sii a din sual i asi ko lai,a kut ah sii chunhnak a um,a mask huh mi zong a um tiah’ chungkhat pawl nih an chim.

Salai Vum Za Lian hi April thla ah Mizoram,Aizawl ah a kal.Khi ka lei ah lockdown ruangah a rak tlung i nizaan June 24 suimilam 4 hrawngah inn a phan,Mizoram lei ah Covid 19 voihnih zohfel asi i Positive asi lo tiah theihpinak catlap zong a ken tiah theih asi.

Nizaan suimilam 6 hrawngah inn in a chuak i zaan ah a tin ti lo,tuzing suimilam 8 ah vui asi.

thawngpang dang relchap : Min Aung Hlaing Cu Russia Cozah Nih Honourable Professor Roca An Pek

Misual pa Min Aung Hlaing cu Russia cozah nih lomhpinak roca “Honourable professor”sinak an pek tiah theih a si.The Military University of the Ministry of Defense of the Russian Federation nih cun General Min Aung Hlaing cu tuchun june 23.6.2021 ni zanlei suimilam 4pm ah Honourable professor of the Rassia Millitary University Of Defence sinak roca an pek hi a si.

Min Aung Hlaing roca a petu Russian cozah military university nih hin a tu ah Ministry of Defense of Russia (MOD) cu a mah kut ah a um.Russia ram khuapi a si mi Moscow, No. 14 Bol’shaya Sadovaya Street ah um mi an si.

Russia ram ralkap officer pawl hna nih duh paoh in an chuah luh khawh nak nawl an neih mi vialte hna lak ah a sang bik mi Military Staff College hi a si pin ah educational, methodological le scientific center t’ha cem mi hna um nak hmun an si.Min Aung Hlaing roca a pe tu Military Staff College ah Lieutenant General Igor Mishutkin hi an lu tlai a si.

Russia Red Army ralkap pawl hna nih November 5, 1919 lio ah khan Military Institute of the Ministry of Defense tiah min putter in an rak dirh mi a si na in July 20, 1994 ah khan Russia Military Political Academy le Military Institute of the Armed Forces of the USSR pahnih minkawp in Military University of Defence tiah min an rak bunh.

Be the first to comment

Leave a Reply

Your email address will not be published.


*