Breaking News : Mindat CDF le Ralkap Nih Lungtlinnak (5) An Tuah

Mindat Khuanu Khuapa pawl paltlang in, CDF-Mindat le Ralkap karlak biaruahnak an tuah i nihin ahcun lungtlinnak (5) an tuah khawh tiah Mindat Khuanu/pa lei nih an langhter.

Lungtlinnak an tuah mi hna cu; (1). Tutan CDF-Mindat le Ralkap karlak biaruahnak hi Mindant pengkulh mipi dihlak caah thahnem le santlai a si khawhnak ding ah, Ralkap lei nih Raldohnak, Meithal puahnak tuah lo ding, Khualtlawng mi hna pehtlaihnak lam vialte zalong tein tuah ding le mipi check nak ti bantuk tuah lo ding.

(2). Cozah riantuan he pehtlai in zeibantuk hnahnawh nak hmanh pek lo ding, Hramhram in tuah ter, hrocer le khenkham ti bantuk Cozah rianttuan mi cung ah tuah lo ding. CDM a tuah mi Cozah riantuan dihlak zong hramhram in Cozah rian ah luh ter lo ding.

(3). Mindat pengkulh mipi dihlak thihphaih le tlerh khonhnak tuah lo ding. Kaphnih lungtlin hnatlaknak tuah mi a hrawk kho ti ding cawlcanghnak le thil zeihmanh tuah lo ding. Tahchunnak ah, a dik lomi thawngpangzamh in mipi lau ternak, thihphaihnak tuah lo ding. CDF-Mindat kong lam le Mindat uktu Khuanu/pa nih thawngpang dik cu an mah pumpak social media ah an tarlangh, an tarlangh mi thawngpang cung ah ttuanvo lak ngamnak zong ngeih dih. Pumpak in social media cahmai ah tar mi thawngpang paoh cu zeibantuk tuanvo laknak hmanh kan tuah piak hna lai lo.

(4). Kyautthu-Mindat-Matupi karlak motor lam a kal mi, Motor le Cycle in khualtlawng mi vialte hna hnawh nak pek hna lo ding, zalong tein tlun kalnak nawl pek hna ding.

(5). Eidin Facang a phor mi Motor pawl cu tha tein zohfel hna hnu ah zalong tein kal ter hna ding, khamh, thilri chuh ti bantuk tuah lo ding. Cun Mindat Ralzam sin ah thilri, eidin pek a duh mi paoh nih langhter mi phone number ah hin thawngthanh nak tuah hmasa ding ti asi.

A cung langhter mi point (5) hi CDF-Mindat le Ralkap karlak lungtlinnak tuah mi asi. Kan tial palh mi a um sual ah tiah hmanthlak in kan langhter chih, Kawlca khi rel uh law nan fiang cio ko lai. Vom

Be the first to comment

Leave a Reply

Your email address will not be published.


*