Breaking News : Mipi Ralkap Le Ralkap Tampi Hliamhma An Tuar

Peekin Kawkugate in kahdohnak a faktuk hring hran. Nizaan Shankaya ramri in an I doh nak hi a faktuk hring hran ca khua mi si seh , ralkap si hna seh hliamhma a tuarmi minung an Tam ngai tiah thei a si. Nikhat Chung ah kahdoh nak i hliamhma a tuarmi minung lak ah tuzing Shankaya ramri i i kah dohnak ah hliamhma a tuarmi minung hna hi ralkap siseh , khuami siseh an Tam bik an si kho men.

Nizaan Peekin Kawkugate ah ralkap le mipi ralkap an i dohnak ah hin minung Pakhat hliam hma a tuar mi Pakhat a um I a thimi tu hi thei a si rih lo. Shankaya ramri I an I kah dohnak ah hin cun Mipa ralkap siseh , ralkap siseh hliamhma a tuar mi an Tam ngai tiah thei a thi. A thimi tu hi thei a si rih lo . Hliamhma a tuarmi minung hna hi zeizat tak ti cu fiang tein thei a si rih lo.

A dang rel chap – Taksa in kan duhdawtmi he zaantim tiang ṭhut ṭi cu anuam i caan kal aranning hmanh theih asilo. Asinain thinlung nih a duhdawt lomi he cun lam chikhatte iton hmanh ahar. Cubantukin Jesuh Khrih he cun nifatin ihawikomh cu anuam i thinlung lawmhnak, daihnak le hnangamnak in a khat. Nifatin hi thluachuah asi. Bible rel, thlacam.

Bawipa thangṭhat le Bawipa rianṭuan caan na pek khawh lomi hi Jesuh Khrih na duhdawtnak na thinlung ah a um lo caah asi. Na duhdawt lomi Jesuh Khrih, Bible le thlacam he cun caan pek na harh taktak lai. Minung cu kan duhbikmi hi caan kan pek bikmi le tuah kan huam bikmi an si tawn. Mizeidah ka si ti ihngalh na duh ahcun caan na pek bikmi thil cungah khan ihngalh khawh asi. Credit – James Vanneilian

thawngpang dang relchih : Min Aung Hlaing Thihhrimolh Lainawng Pa Nih A Hlen Khawhmi Laimi Nan Um Maw

ThihHriMolh.Phungthlukbia 17:15 “Mithalo thiamcoh le miding sualphawt hi an pahnih in Bawipa mithmuh ah fihnung an si veve”Lucifer hi thih-hri-molh zawtnak a ngeih hnu ah Pathian tluk si ding le nawlngeihnak (power) vialte lak a duh. Vancung ah ral dohnak a um tikah, ral a sung. Vancungmi cheu thum cheu khat a hlen khawh hna i vawlei ah aa tlakpi hna. (Bia 12:8-9). A hlen khawhmi vialte zong thih-hri-molh zawtnak a ngeihter dih hna.Ahab siangpahrang le a first lady Jezebel zong Lucifer nih a hlen khawh hna caah thih-hri-molh zawtnak an ngei ve. Naboth an thah hnu ah a mitsur dum an chuh. Thih-hri-molh mi cu mithah le thil chuh hi zei ah an rel lo. MAH ralkap zong nih mi an thah, thil an chuh ve hna.

Bawipa nih “Ka thin na ka phawh hlei ah Israel mi na sualter hna caah Naboth thi uico nih an liah bantuk in uico nih na thi an liah ve lai” a ti.(1King 21:22). Raldohnak hmun ah mipakhat nih tinh setsai mi ngei loin thal a kahmi nih Ahab cu a khen. A thi cu uico nih an liah ve (1King 22:34-38). A nupi Jezebel zong sar thih in a thi i a sa kha uico nih an ei.(2King 9:37)David fapa Amnon zong Lucifer nih a hlen caah thih-hri-molh zawtnak a ngei ve. A farnu Tamar kha a tlaihhrem hnu ah huatnak fak ngai in a huat. Absolom nih rawldanghnak a tuah lio, Amnon zu a rit lio ah, thingtan in an tuk i sarthih in a thi. (2Samuel 13:1-29). MAH ralkap zong nih nungak an thleihhrem ve hna.

Haman cu thih-hri-molh zawtnak a ngeih caah Israel mi vialte thah a timh hna. Mordekai thlainak dingah tung dong 50 a phun. Miphun a dawtu Esther nih rawlulhnak in siangpahrang a chimh tikah, Haman thih-hri-molh pa cu amah tu an thlai. (Esther 7:10)Thih-hri-molh cangmi hna cu thihnak hri nih a tlaih cang hna i a molh in an molh chin lengmang. Thih-hri-molh a simi hna: Adolf Hitler, Saddam Hussein, Muammar Gaddafi, Bin Laden, hna hi sualnak ngei lomi nunnak tamtuk a lami hna an si. Sarthih sawhsawh hmanh siloin thih chia taktak in an thi ve.

Min Aung Hlaing zong thih-hri-molh zawtnak in a zual ngaingai cang. Amah lawng thih cu a di a riam lo caah hawikawm tampi aa sawm hna. Tangka in a hlen hna. Power le bawi sinak in a hlen hna. Khuabawi le penguk le thim lomi bawi sinak in a hlen hna. A hlen khawh lomi kha meithal in a kahter hna. Thong a thlak hna. Khua a duahpiak hna. Thih-hri-molh lam a zulh caah a rau ti lai lo. Thih-hri-molh hna donghnak bantuk in a dong tuan ve lai.

Min Aung Hlaing thih-hri-molh misualpa nih a hlen khawhmi Laimi nan um sual maw? Nan um ahcun thih-hri-molh pa MAH hi zamtak cang u. Amah nan tih ahcun ramdang ah zam u. Ram thumnak nih an in zaangfah khawh rih hna. Laimi cu vakok nun ngeimi kan si. Dinnak le felnak le raldoh ah ralthami kan si. Thih-hri-molh lakah kan tuanbia i-tel hrimhrim hlah seh. Mipi khamhtu Jesuh lei ah tang zungzal ko hna u sih. Cathiang nih “Mithalo thiamcoh le miding sualphawt hi an pahnih in Bawipa mithmuh ah fihnung an si veve” a ti. (Pthlukbia 17:15) Cat’ialtu: Sailo Pa

Be the first to comment

Leave a Reply

Your email address will not be published.


*