Breaking News : Ralhrang Kawl Ralkap Nih Chinram Kulh Ah Bomb Thong Khat Leng An Do

Chinram kulh chung hmun kip ah ralhrang nih bomh thong khat 1,000 leng an do tiah theih a si.hi konghe pehtlai in Hakha hrambunh tualchung media pakhat nih kawlca in a tar langh nak ah cun CNA ralkap pawl hna nih chinram kulh chung hmun kip ah an um kal khawh lo nak dingin khamh an timh hna caah bomb an do mi hi si dawh a si.a bik in Chinram kulh Senthang peng le Lawklung khua le Surkhua ramkulh chungah an do mi a si tiah a chim.

Zahan tiang i Senthang peng khua hna ah CDF-Hakha le ralhrang pawl hna kahdohnak thawngpang kan theih ningah .Matupi lei in a ra mi ralhrang phu motor 3 in an si tikah an tam hringhran, Ralhrang lei ralkap hi a tlawmbik 120 hrawng an si tiah mithmun tu nih a chim. Surkhua sakhaan zong CDF – Hakha nih an lak hnu ah zei thawngpang hmanh um lo tein a dai ngai cang tiah khuami nih an ruahmi cu zahan in cun ralhrang tamlak nih Surkhua ah um hmun khuar dawh in an um cang tiah a chim.

Tuchun tiang thawngpang kan theihning ahcun nizan zingka in an i kahnak cu a dai cang Nain, Surkhua khua taw hrawngah cun meithal thawng le Bomb puak thawng cu kan theih peng rih ko, tiah an chim. nizan an i kahdohnak ah ralhrang lei nih hriam ngan pipi le Bomh in an kah peng hna caah CDF – Senthang hriamtlai phu caah thil fawi a si lo, tiin kahnak thawng a theihtu pawl nih an chim. Hihi kahdohnak hi pawngkam khuami security pawl nih Bomb puah thawng le meithal kahnak thawng cu an theih pengmi a si.

Nihin CDF – Senthang le Ralhrang pawl kahdohnak ah ralhrang lei ralkap minung 20 ruak cu motor cungah an chiahmi hna cu mithmuhtu pakhat nih a chim. Ralhrang ruak 20 tiang an putmi hna le motor cungah an chiahmi hna ka hmuh hna, hliamhma a pu mi zong an um pah len, tiah a chim. Ralhrang ruak motor cungah an chiah hna lio le an put lio hna ah ka rel lengmang tikah ralkap ruak 20 tiang ka rel tiin a chim. Cucaah, ralhrang ralkap 20 an thi i, hliamhma a pu mi zong an um len lai, tiah ruah khawh a si.

thawngpang dang relchap : Breaking News : Thai Ram Lei Ah Kuan Ngan A Tla, Thai Ralkap Pakhat Hma A Pu

Tuchun June 2 suimilam 12 hrawngah Maesot ramri Thai lei kam ah a ummi ralzaam umhmun pakhat ah ralhrangbu kuan ngan pakhat a puah ruangah ralzaam pahnih le Thai ralkap pakhat hma an pu.

Karen ram Myawady thlanglei ah DKBA bu chuak Bokyok Kyaw Tet le PDF fonh mi le ralhrangbu hna i kahnak fak ngai in a chuak. Mah i kahnak ah ralhrangbu lei nih an kah mi a si. Thai ram lei ralzaam pawl an um nakhmun ah a tla, Thai ralkap pakhat le ralzaam pahnih hma an pu.

Bo Kyaw Tet te hi Toungyin tiva leikam ah aum mi an si caah ralhrangbu nih an kah mi kuan a si a fiang ko tiah ralzaam hna a tawlreltu AAC riantuan Ko Ye Min nih a chim.

Atu ah Thai ram lei ah a zaam mi ralzaam thonghra leng cu Thai cozah le mipi nih an zohkhenh tiah theih a si. Thai ram lei kuanngan a tlak hi a tu in a voi 2 nak a si. Kan hnulei ah khan Mae Hong Song ramri ah a tlak caah Thai cozah nih ralrinnak a rak pek bal cang tiah theih a si. Ref; mizzima. thechinpost

thawngpand dang relchap : Khah KNDF Paraltha Pawl Nih Ralhrang Minung 80 Bak An Thah Ko Hna Hih

June 1, 2021 Report, Myanmar lei News social media page zalen le Khat thi media pawl nih an langh ter ning ah, KNDP le ralhrang ralkap’palik pawl biatak tein nazi 8:00 chung bak biatak te in an i kap. KNDF le ralhrang ralkap’palik hi Kayah State Kone thar village pawng i Dmaw Saw Township ah may 31st biatak tein an i kap tiah thawngpang zong tampi an rak thanh cang.

KNDF pawl langhter ning ah cun ralhrang ralkap’palik lei hi minung 80 an thi i minung pakhat 1 nih hliamhma faktuk a tuar, May 31st i an i kah nak ah KNDF paratha minung pa 8 an nunnak a liam.Ralhrang misual ralkap’palik Min Aung Hlaing i uico te pawl nih vawlei an i doh nak lei i an cah lo ruang ah an sualnak an chuah than i Helicopter vanlong le Artillery Bombs kah nak a lian pipi ralthuam tling pawl an hman ti a si. Cucaah cun kan unau kalay minung pawl caah biatak tein thlacam piak an hau.

June 1, 2021 Report, Myanmar lei News social media page zalen le Khat thi media pawl nih an langh ter ning ah, KNDP le ralhrang ralkap’palik pawl biatak tein nazi 8:00 chung bak biatak te in an i kap. KNDF le ralhrang ralkap’palik hi Kayah State Kone thar village pawng i Dmaw Saw Township ah may 31st biatak tein an i kap tiah thawngpang zong tampi an rak thanh cang.

KNDF pawl langhter ning ah cun ralhrang ralkap’palik lei hi minung 80 an thi i minung pakhat 1 nih hliamhma faktuk a tuar, May 31st i an i kah nak ah KNDF paratha minung pa 8 an nunnak a liam.

Ralhrang misual ralkap’palik Min Aung Hlaing i uico te pawl nih vawlei an i doh nak lei i an cah lo ruang ah an sualnak an chuah than i Helicopter vanlong le Artillery Bombs kah nak a lian pipi ralthuam tling pawl an hman ti a si. Cucaah cun kan unau kalay minung pawl caah biatak tein thlacam piak an hau.

Be the first to comment

Leave a Reply

Your email address will not be published.


*