Breaking News : Rallokap Nih Rian Pek Mi Khua Chung Tuanvo La Tu Pa Le Rallokap Sin Ah Thawng Pe Tu (Dalaan Pa) An Thah

Sagiang ramthen KhinOo ah thawngpe tu le khuachung tuanvo la tu thah an tong . Sagiang ramthen KhinOo myo Hnawkung khua ah rallokap nih rian pek mi khua chung tuanvo la tu(ရွာတာဝန်ခံ) U Kyaw Sein Win le rallokap sin ah thawngpe tu U Awng Tin cu nam hliam nak in thah an tong tiah khua mi hña nih an chim. Cu hña pahnih cu nihin zing lei lam kam ah nam hliam nak hma he an nunnak a rak liam cang , (suimilam 10) hrawng ah rallokap le palik nih an ruak cu an lak.

Cu hña pahnih cu rallokap nih phungning lo tiah thawng a thanh mi Mizzima, DVB thawng thlah nak PSI salawng hña a phongh ter tu, rallokap nih nawlngaih nak an lak mi kong ah, duh lo nak a langhter mi hña cung an thil tuah nak kong ah khuami hña an lungtling lo tiah min langhter lo mi khuachung mi pakhat nih a chim.

Private motor pahnih le hriam put in misawh thuam a hruk mi rallokap hña he USDP chungtel motor hña nih thah a tong mi chungkhar hña cu an kal pi hña tiah a hmu tu hña nih an chim. Cu buaibai nak ruang ah rallokap phu hña khuachung ah an ra than sual lai tiah thinphang in an um ko tiah khua mi nih an chim. KhinOo pengkulh Aipohgyi khua zong ah USDP biaruahtu pakhat cu ni zan (May 28) ah theih lo mi pahnih nih meithal in an kah ruang ah a nunnak a liam. 29May,2021 Laknak: The Chin Post

Be the first to comment

Leave a Reply

Your email address will not be published.


*