Breaking News || Vawlei Min Ah Minung (20) Nunnak A Liam Ruangmang Hoi Ko Ee

June 3 zaan i Japan vawlei min ruangah minung 20 reng lo an thi i an buai ngaingai lio a si. Vawlei a minnak ruang cu ruah sur tuk i ti lu a lian tuk caah a min mi a si i vawlei min mi nih cun inn cycle ti bantuk thilri tam ngai zong a rawk i a fenh chih ti theih a si. Cu vawlei min a tuar tu bikmi cu Japan ram Atami khuami an si i vawlei min ruangah cun inn tam taktak a rawk i minung 20 reng lo zong an thi.

Niruk zaan i vawlei min ruangah a thimi minung an kawlmi cu tuni tiangah fel fai taktakin a thimi zat hi an i thei kho rih lo.Japan Prime Minister Yoshihide nih tu rih ah cun vawlei minah inn zeizat dah ai rawk timi le minung zeizat dah an thih timi cu kan hlat cuahmah lio le kan kawl cuahmah lio a si.

Atami khuami hna nih hin an tuar bik i mi kawlmi hna pawl nih din lo bakin tu hi an kawl cuahmah hna lio a si tiah a chim.Tu thla thokin Japan ah ruah cu fak ngai in a sur peng i tunak fak deuhpi zongin ruah a han lo ah cun vawlei min hi a tong kho pengmi dir hmunah an um lio a si.

Mi cheukhat an umnak cu vawlei a min kho men ti i ruahmi hna an umnak paoh cu a hlan kan in an umnak cu an thial hna ti zongah theih a si. An khuachung tuanvo ngeitu hna zong nih zeitik caan paoh ah vawlei min kho le ti lian kho dir hmun kan um peng caah si khawh chungin rak i ralring hna uh ti zongah ralrinnak cu an pek cia hna.

Be the first to comment

Leave a Reply

Your email address will not be published.


*