Breaking News : Yangon khua Dagon Sianghleirun siahngakchia pa pahnih an tlau, pehtleih nak tuah khawh an silo

Yangon khua Dagon Sianghleirun siahngakchia pa pahnih an tlau, pehtleih nak tuah khawh an silo. Dagon Sianghleirun ah siangin a kai mi pa Zin Lin Aung ( Major- Botany) le pa Maung Minn Khant (Major- Zoology) cu nizan (June-8) niah an chungkhar, an hawikom lee pawl nih an rak kawllen hna na in an um nak zong an rak thei kho hna lo, chonh zong an rak chawn kho hna lo cuti cun an rak tlau ko !

Uico uknak chutmi rallokap nih maw an tleih hna i si hnga tiah an chungkhar hna cu an lungre a theih tuk lio asi. Tleihkhih an ton le tonlo hi an hlet hlai cuah mah lio asi. Crd:Dagon University Students’ Union. LAI COMM

thawngpang dang relchap : MRCS le ICRC Nih Paletwa Peng Ralzaam Umhmun 11 Ah Bawmhnak An Pek

Nikum AA le Ralhrangbu kahdohnak ruangah Paletwa peng Inndong 2000 leng cu Paletwa le Sami ah an zaam. Atu hi an inn le lo an chuahtaknak thla 13 a phan cang. An umnak hmun zong tampi cu a rawh cang caah fur a tlaj ahcun harsatnak tampi a tong ding an si caah MRCS le ICRC nih bawmhnak an pek tiah theih a si.

Paletwa le Sami ralzaam hna kong he pehtlaih in Myanmar Red Cross Society (MRCS) tuanvo ngeitu Daw Aye Aye Nyein nih ralzaam dirhmun in an umnak kum 1 renglo a si cang. Umhmun 11 i an umnak inn tampi a rawk cang. Fur a tlak ahcun um awk a tha ti lai lo tiah a chim.

MRCS le ICRC nih ralzaam inndong 2000 caah tangka le remh than a hau mi inn 1800 caah a herhbau mi hna an pek. Sami ralzaam hmun Ti laknak le bomb kam nak hmun ah a um mi pawl cawnpiak nak le ralrin ning zong ngei piak a si.

ICRC hi MRCS hi nikum in hmun dang dang ah a um mi Chin ralzaam pawl zohkhenh le a bawmtu an si. Buainak a tong mi chungkhar hna cu thleidannak um lo tein MRCS he kan zohkhenh rih hna lai tiah ICRC Chin ramkulh rian ngei tu Olivier Dorighel nih a ti. Credit: The Chin Post

Be the first to comment

Leave a Reply

Your email address will not be published.


*