Caan A pek Kho Ngai, A Ngamh Zong A Ngamh Ka ti, A kir Lei hna Ah Rak Kap That Hna Seh law A tha Ngai Hnga?

Min Aung Hlaing nih Thanlwin Hlei min Thlennak Puai a Kai
================================
Thanlwin Tatar tiah min thlen than mi Thanlwin hlei cu Ralhrangbu hruaitu Min Aung Hlaing nih nihin June ni 1 zinglei suimilam 8:40 ah a on. Mah hlei hi Thanlwin tiva tan in Mawlamyaing lei Mupon khua le Bilukyun lei Kagyaw pehtlaihnak pe 5202 a sau mi le pe 28 a kau mi hlei pakhat a si. 2015 ah Kyat 59800 million dih in sak mi a si.

2017 May 19 ah khan Bokyok Aung San min cawi in ‘Bokyok Aung San tatar (Bilukhyun)’ tiin president U Win Myint nih a rak on mi a si cang nain May 30 ni ah ralhrangbu nih hlei min cu Thanlwin tatar (chawngsung) tiin a min a thlen than mi a si.

NLD chan lio ah mah hlei min kong he pehtlaihin cozah le mipi kar ah buainak a rak um. A duh lo mi mipi cheukhat nih hlei min cu kan miphun he pehtlaihnak a um lo tiin duhlonak an langhter caah parliament tiang a phan mi a si. A min hlun hi Thanlwin tatar (Chawngsung) a si.

Hlei min thlennak puai ah Min Aung Hlaing he ralhrangbu hruaitu hna le ralhrangbu chungtel Man Nyein Mawng, Dr. Banya Aung Moe zong an kai ve. Source; thanlwin times Crd: The Chin Post

Be the first to comment

Leave a Reply

Your email address will not be published.


*